Хаартыска: «Муус Устар» пресс-сулууспата
«Муус Устар» өрөспүүбүлүкэтээҕи ыччат бэстибээлин чэрчитинэн «Коротко о важном» социальнай видеороликтарга куонкурус ыытыллар. 20 киирбит сайаапкаттан куонкуруска 10 бастыҥнары таллылар.
Бу туһунан СӨ Ил Дарханын уонна Бырабыыталыстыбатын пресс-сулууспата суруйар. «Куонкурус биһиги ыччаттарбытын социальнай суолталаах ааптарскай бырайыактары оҥорууга көҕүлүүр. Киирбит видеороликтар араас тиэмэлэринэн оҥоһулуннулар: сиэр-майгы сыаннастара, экология, араас социальнай проблемалары таарыйар. Биллэн турар, Аҕа дойду Улуу сэриитин Кыайыы 80 сылыгар, Саха сиригэр Ийэ дойдуну көмүскээчи сылыгар ананар», — диэн вице- премьер Ольга Балабкина бэлиэтиир.
Шорт-илиискэ маннык куонкурус кыттыылаахтара киирдилэр: Алексей Собакин -«67», Александр Иванов – «Патриот», Юлиан Владимиров – «Уход из дома», «Дворник», Юрий Ефимов – «Собака – наш верный друг», Влас Попов уонна Никита Ананьев – «Корни мимозы», Айтал Охотин – «Тёплая остановка для всех», Сахаяна Алексеева уонна Анатолий Алексеев – «Тымныы кыһын сылаас дьиэҕэ», Диана Дохунаева – «Интернет-мошенники», Сайан Румянцев – «Работа во благо людей».
Куонкурус иккис түһүмэҕэр питчинг буолуоҕа. «Сахафильм» хампаанньа үлэһиттэриттэн турар дьүүллүүр сүбэ видеороликтары бэрэбиэркэлиэҕэ.
Кыайыылаах аата кулун тутар 21 күнүгэр биллиэҕэ. Бастыҥ социальнай видеоликтар «Саха» НКиХ телеханаалларыгар көрдөрүөхтэрэ.
Санатан эттэххэ, «Муус Устар» бэстибээл Саха сиригэр 2021 сылтан ыытыллар уонна быйыл бэһис төгүлүн буолуоҕа. Тэрээһин эдэр талааннары булууга, өйөөһүҥҥэ уонна өрө таһаарыыга ыытыллар.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…