Салгыы
«МУУС УСТАР» бэстибээл талисманыгар куонкурус биллэрилиннэ

«МУУС УСТАР» бэстибээл талисманыгар куонкурус биллэрилиннэ

10.02.2025, 15:00
Хаартыска: sakha.gov.ru
Бөлөххө киир:

«МУУС УСТАР» V үбүлүөйдээх ыччат бэстибээлин тэрийээччилэрэ бэстибээл талисманын оҥорууга куонкурус биллэрдилэр.

Үлэлэри 2025 сыл олунньу 20 күнүгэр диэри ылыахтара.

«Бэһис сылбыт – тапталлаах бэстибээлбитин өссө киэҥник тарҕатарга, биллэр-көстөр оҥорорго дьоһун төрүөтүнэн буолар. Эһигини кытта бииргэ “МУУС УСТАР” кыра үбүлүөйүгэр туспа, кэрэ талисманы бэлэхтиэхпитин баҕарабыт!” — диэн бэстибээл официальнай ханаалыгар этиллэр: https://t.me/muusustar.

Куонкурус усулуобуйатын быһыытынан, талисман хайаан да «МУУС УСТАРЫ», бырааһынньыгы, эдэр сааһы, сааскы кэми, Саха сири кытта ситимнээх буолуохтаах. Куонкурус кыттааччылара сөптөөх персонажы (уруһуйу, эскииһи) оҥорон, талисмаҥҥа иҥэрбит ааттарын уонна устуоруйатын (санааҕытын этэҕит) суруйан, сайаапкаларын маннык электроннай аадырыска ыыталлар: talisman.muusustar@mail.ru итиэннэ «Талисман» диэн бэлиэлииллэр. Үлэлэри 2025 сыл олунньу 20 күнүгэр диэри ылыахтара.

Бастыҥ 5 үлэни дьүүллүүр сүбэ талар уонна үс күн устатыгар биир эбэтэр икки кыайыылааҕы быһаарыаҕа.

Бу Саха сирин ыччатын бэстибээлэ быйыл бэһис төгүлүн өрөспүүбүлүкэ бары улуустарын ыччатын түмүөҕэ. Кулун тутар иккис аҥарыгар улуустарга талыллыбыт хамаандалар Дьокуускайга мустуохтара.

Түмүк күрэхтэһии 12 хайысханан ыытыллыаҕа: «Воплощай и вдохновляй!», «Якутия — твоя сила духа», «Перспектива в познании», «Вперед к победам!», «Медиа-будущее: расскажи о важном!», «Развивайся в Якутии!», «Добываем будущее вместе!», «Созидай и создавай!», «Твори добро!», «ЭТнО-МЫ!», «Россия — страна возможностей!», «Защитник Родины!». Бэстибээли түмүктүүр шоу-тэрээһин үгэс быһыытынан «Триумф» спортивнай комплекска кулун тутар 22 күнүгэр буолуоҕа, диэн иһитиннэрэр СӨ официальнай информационнай портала.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
11 февраля
  • -40°C
  • Ощущается: -40°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: