Хаартыска: СИА
Бүгүн, кулун тутар 25 күнүгэр, Дьокуускайга өрөспүүбүүкэтээҕи медиакииҥҥэ «Муус Устар» үбүлүөйдээх бэстибээл түмүктүүр пресс-кэмпириэнсийэтэ буолла. Пресс-кэмпириэнсийэҕэ тэрийээччилэр ыйытыыларга хоруйдаатылар, аны кэлэр бэстибээли ыытыы былааннарын кэпсэтистилэр.
Түмүктүүр кэмпириэнсийэҕэ биэс номнациянан кыайыылаахтары наҕараадалаатылар. Бириистэри «Якутия» конгресс-киин салайааччыта Максим Сыромятников туттарда.
Ыччат дьыалаларын уонна социальнай коммуникация миниистирин бастакы солбуйааччы Надежда Мохначевская сыл ахсын бэстибээлгэ бэлэмнэнии үлэтэ эрдэттэн саҕаланарын уонна тэрээһин таһыма үрдүүрүн бэлиэтээтэ. Кини иһитиннэрбитинэн, улуустарга олунньу ыйтан саҕалаан түһүмэхтэр саҕаламмыттар:
— Биһиги тэрийээччилэр бэлиэтиирбитинэн, бэстибээл олус үчүгэйдик, сэргэхтик ааста. Ыалдьыттар уонна кыттааччылар бары олус астыммыттар. Бэстибээл чэрчитинэн 23 куонкурус ыытылынна. Манна «Ыраас Арктика», «Россия — страна возможностей» диэн федеральнай таһымнаах Росмолодежь граныгар былаһааккалар үлэлээтилэр. Биһиги бэйэбит эрэгийиэннээҕи куонкурустарбыт ураты суолталаахтар. Хас биирдии конкурус ыччаты хото түмтэ. Эһиилги бэстибээлгэ бэлэмнэнии үлэтин номнуо саҕалыахпыт, — диэн бэлиэтээтэ.
Быйылгы бэстибээл кыайыылаах «Бастыҥ ыччат улууһа» диэн ааты ылбыт Мэҥэ Хаҥалас улууһун хамаандатын бэрэстэбиитэлэ Октябрина Кулешова олус сэргэхтик санаатын үллэһиннэ:
-Үөрүүбүт, сэргэхсийбиппит билигин да ааһа илик. Наһаа үрдүк таһымнаах тэрээһин буолла. Улуспутугар кыайыыбытын бэлиэтиир санаалаахпыт, тэрийээччилэри улууспутугар ыҥырабыт. Быйыл улуустар бары кытаанахтык бэлэмнэммиттэр диэн көрдүм. Биһиги эмиэ туспа хамыыһыйа тэринэн күүстээхтик бэлэмнэммиппит түмүгэ көһүннэ диэм этэ.
Уус Алдан улууһун «Защитник Родины» номинация кыайыылаах хамаандатын бэрэстэбиитэлэ Айаал Степанов:
-«Сила в единстве» куонкуруска уопсайа 21 хамаанда кыттыбыта. Бастакы күн биһиги алтыс миэстэни ылбыппыт. Ол эрээри санаабытын түһэрбэккэ иккис күҥҥэ кыайыылааҕынан тахсыбыппыт. Биһиги хамаандабыт күүстээх. Хамаандабытыгар байыаннай дьайыы кыттыылааҕа кыттыбыта. Кыайыы биһиги биир сомоҕо буолан түмсүүлээх үлэбитин туоһулуур.
Быйылгы «Муус Устар» бэстибээлгэ 5 тыһыынчаттан тахса киһи кыттыыны ылла диэн тэрийээччилэртэн биирдэстэрэ Максим Сыромятников санаатын үллэстэр:
— Бэстибээл түмүктүүр киэһэтигэр «Триумф» уораҕайыгар биир да миэстэ ордубат элбэх киһи мустубута. Онон бэстибээл үбүлүөйдээх тэрээһинэ бары рекорду кыттааччыларынан уонна көрөөччүлэринэн кыайда диэн этиэм этэ.
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…