Муус устар бүтүүтэ 3 күннээх үлэ нэдиэлэтэ күүтэр

Муус устар ый бүтүүтэ Арассыыйа олохтоохторун 3 үлэ күннээх кылгас үлэ нэдиэлэтэ күүтэр диэн «РИА-Новости» суруйар. 

Кылгас үлэ нэдиэлэтэ муус устар 28-30 күннэригэр буолуоҕа. Ол кэнниттэн Пиэрибэй Маай бырааһынньыгын өрөбүллэрэ саҕаланаллар.

Чэппиэргэ, ыам ыйын 1 күнүгэр үлэһиттэр Саас, Үлэ бырааһынньыгын бэлиэтииллэр. Бээтинсэҕэ, ыам ыйын 2 күнүгэр, тохсунньу 4 күнүнээҕи өрөбүл  (субуота) көһөн биэрэр. Ол кэнниттэн, ыам ыйын 3, 4 күннэрэ субуотаҕа уонна баскыһыанньаҕа түбэһэллэр.

Оттон сэрэдэҕэ, нэдиэлэ бүтэһик үлэ күнүгэр — муус устар 30 күнүгэр кылгатыллыбыт үлэ күнэ күүтэр.

 РФ бырабыыталыстыбата бигэргэппит производственнай халандаарынан, 2025 сылга 118 өрөбүл уонна 247 үлэ күнэ баар.