Муус устар бүтүүтүттэн саҕалаан сынньаныахпыт

Муус устар 27 күнэ – Саха Өрөспүүбүлүкэтин күнэ. СӨ Үлэ уонна социальнай сайдыы министиэристибэтэ иһитиннэрэринэн, сокуоҥҥа олоҕуран, ити күн бырааһынньык күнүнэн биллэриллибит. Онон Саха сирин олохтоохторо муус устартан саҕалаан сынньаныахтара.

Ол курдук, РФ Бырабыыталыстыбатын уурааҕар сөп түбэһиннэрэн, быйыл муус устар 27 күнүнээҕи (субуота) сынньалаҥ күнү муус устар 29 күнүгэр бэнидиэнньиккэ, сэтинньи 2 күнүн (субуота) муус устар 30 күнүгэр оптуорунньукка көһөрбүттэр. Онон Саха сирин олохтоохторо Саха Өрөспүүбүлүкэтин уонна Саас, үлэ бырааһынньыктарынан муус устар 27 күнүттэн ыам ыйын 1 күнүгэр диэри өрүөхтэрэ. Кыайыы бырааһынньыгынан ыам ыйын 9-12 күннэрэ өрөбүл күннэринэн биллэриллибиттэр.

Ситэриилээх былаас федеральнай уорганын уонна кинилэр территориальнай уорганнара, федеральнай эбэтэр олохтоох бүддьүөттэн үбүлэнэр СӨ олохтоох бэйэни салайыныы уорганнара, ону тэҥэ, Саха сиригэр баар атын бас билэр көрүҥнээх тэрилтэлэр 2024 сыл муус устар 27 күнүгэр үлэлииллэрин дуу, бырааһынньык күнүнэн биллэрэн өрүүллэрин дуу бэйэлэрэ быһаараллар.