Хаартыска: СИА
«Муус устар- 2024» бэстибээл чэрчитинэн олунньу 5-16 күннэригэр ыытыллыбыт «Айар» медиа-оскуола үөрүүлээх сабыллыыта буолла. Бу туһунан СИА суруйар.
Бэстибээлгэ 100 кыттааччы үс хайысханан үөрэҕи аастылар: «Суруналыыстыка», «Блогинг» уонна «Видеография».Ол кэннэ «Саха» НКИХ уонна «Сахамедиа» хампаанньалар медиа- бырайыактарын олоххо киллэриигэ 22 хамаанданан арахсан үлэлээтилэр.
Быйыл медиа-оскуола кыайыылааҕынан уонна 100 тыһыынчалаах сэртипикээт кылаан бирииһин хаһаайынынан 8 №- дээх хамаанда буолла: Анастасия Сергеева Горнайтан, Туйаара Чупрова Үөһээ Дьааҥыттан уонна Ольга Окоемова Дьокуускайтан.
Маны таһынан дьүүллүүр сүбэ маннык номинацияларынан бастыҥнары быһаарда: бастыҥ блогер — Марианна Созонова, бастыҥ видеограф — Диана Мартынова, бастыҥ кэрэспэдьиэн — Надежда Посельская, топ-лидер — Вадим Ахмадуллин уонна бастыҥ оратор — Альберт Аввакумов.
Кыайыылаахтары СӨ Бырабыыталыстыбатын бэрэссэдээтэлин солбуйааччы Анатолий Семенов, Инновацияҕа, сыыппара сайдыытыгар уонна инфокоммуникация технологиятын миниистирэ Василий Ефимов, «Сахамедиа» холдинг генеральнай дириэктэрэ Виктор Колесов уонна «Саха» НКИК салайааччыта Олег Марков эҕэрдэлээтилэр.
Санаттахха, «Айар» медиа-оскуола аан бастаан 2022 сыллаахха үлэҕэ киирбитэ. Бүгүн бырайыак үгүс выпускниктара Саха сирин бастыҥ медиа-бөлөх хампаанньаларыгар үлэлииллэр, атыттар МГУ уонна ВШЭ курдук дойду бастыҥ үрдүк үөрэх кыһаларын устудьуоннара. Быйыл бырайыак «Муус устар» ыччат бэстибээл чэрчитинэн олоххо киирэр.
Манна даҕатан эттэххэ, урут дойду Бэрэсидьиэнэ Владимир Путин дойду экэниэмикэтигэр креативнай индустриялар кылааттарын бэлиэтээн туран, бу эйгэҕэ Саха сирин көдьүүстээх уопутун бэлиэтээбитэ: «Саха сиригэр эрэгийиэннээҕи былаас күүһүнэн, урбаанньыттар көҕүлээһиннэринэн айар индустрияны сайыннарыыга биир бастыҥнара».
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…