Хаартыска: SakhaGov
“Муус устар” ыччат V үбүлүөйдээх бэстибээлин чэрчитинэн «Креасфера+» сыыппара худуоһунньуктарын куонкуруһа тэриллиэҕэ.
“Арассыыйаҕа дойдуну көмүскээччи, Саха сиригэр Ийэ дойдуну көмүскээччи сылларыгар «Креасфера+» сыыппара худуоһунньуктарын куонкуруһа Аҕа дойду Улуу сэриитигэр Кыайыы үбүлүөйүгэр ананыаҕа. Ол иһин, куонкуруска кыттарга «Аҕа дойду Улуу сэриитигэр Кыайыы 80 сыла”, “Саха Өрөспүүбүлүкэтигэр Ийэ дойдуну көмүскээччи сыла”, “Күннээҕи олоххо патриотизм” уонна “Патриотика бэлиэлэрэ” тиэмэлэр быһаарылыннылар”, — диэн Саха сирин бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.
Тэрийээччилэр этэллэринэн, куонкурус өрөспүүбүлүкэ сыыппараҕа талааннаах худуоһунньуктарын буларга уонна өйүүргэ, сыыппара технологиятын сайыннарыы көмөтүнэн төрүт омук култууратын нэһилиэстибэтин харыстыырга анаан ыытыллар.
Куонкуруска 14-35 саастаах ыччат кыттар. Куонкурус ускуустуба икки көрүҥүнэн: сыыппаралаах живопись уонна сыыппаралаах графика быһыытынан ыытыллар. Манна нейросеть, оҥоһуу өй көмөлөрүнэн оҥоһуллубут үлэлэр ылыллыбаттар.
«Креасфера+» икки түһүмэҕинэн барар. Бастакы түһүмэх тохсунньу 20 күнүттэн кулун тутар 1 күнүгэр диэри кэтэхтэн ыытыллар. Сайаапкалар уонна үлэлэр хомуллаллар. Финалга киирбиттэр испииһэктэрэ бэстибээл официальнай саайтарыгар уонна телеграм-ханаалларыгар кулун тутар 10 күнүн аһарбакка эрэ бэчээттэниэхтэрэ.
Иккис түһүмэх кулун тутар 18-19 күннэригэр Дьокуускайга буолар.
Куонкуруһу СӨ сайдыыга корпорацията уонна “Үүнэр көлүөнэ паарката” автономнай кэмиэрчэскэйэ суох тэрилтэ тэрийэллэр.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…