Ил Дархан, бырабыыталыстыба пресс-сулууспата.
Кулун тутар 19 күнүгэр «МУУС УСТАР» ыччат бэстибээлин чэрчитинэн, «Факел» спортивнай комплекска кыттааччылар Арассыыйа Дьоруойдара Александр Колесовы уонна Николай Евдокимовы кытта көрүстүлэр.
— Байыаннай-патриотическай куонкуруска улуустартан саамай көхтөөх лиидэрдэр мусталлар. Кэтэспитим курдук, оҕолор олус көхтөөхтөр, үгүс ыйытыылары биэрдилэр. Кинилэр биһиги холобурбутунан олоххо тирэхтэрин көрдүүллэр. Биһиги кинилэргэ көмөлөһөргө куруук бэлэммит. Дьоһун ыччаты иитэр иэстээхпит, оччоҕо эрэ дойдубут инникитигэр эрэллээх буолуохпут, — диэн Александр Колесов эттэ.
Николай Евдокимов ыччаты патриотическай иитии улахан суолталааҕын уонна кини онно быһаччы үлэлэһэр былааннааҕын бэлиэтээтэ.
Көрсүһүүгэ 32 улуустан 125 кыттааччы баар этэ.
— Бу маннык улахан бэстибээлгэ биһиги бастакы кыттыыбыт буолар, онон олус сөхтүбүт-махтайдыбыт. Эрдэттэн бэлэмнэммиппит, Арассыыйа Дьоруойдарыгар ыйытыы биэрэр чиэскэ тигистибит. Бу көрсүһүү биһиэхэ олус суолталаах буолла. Кинилэр хорсун быһыылара дойдубут историятыгар үйэ-саас тухары сурулунна, — диэн Алдантан кэлэ сылдьар, байыаннай дьайыы бэтэрээнэ Сергей Усольцев санаатын үллэһиннэ.
Бэстибээлгэ «Сила в единстве: основы военной подготовки и патриотического воспитания» куонкурус ыччат көхтөөх, лиидэр буоларыгар, ыксаллаах түгэҥҥэ араас үөрүйэхтэри баһылыылларыгар көмөлөһөр.
Ил Дархан, бырабыыталыстыба пресс-сулууспата.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…