Салгыы
Муус устар саҕаланыаҕыттан суолга биэс оҕо эмсэҕэлээтэ

Муус устар саҕаланыаҕыттан суолга биэс оҕо эмсэҕэлээтэ

11.04.2024, 11:29
Ульяна Захарова хаартыскаҕа түһэриитэ
Бөлөххө киир:

Саас буолан сатыы да сылдьааччыларга, тиэхиньикэҕэ даҕаны халтараан кэм. Дьокуускайдааҕы Госавтоиниспиэксийэ салаата иһитиннэрбитинэн, муус устар ый саҕаланыаҕыттан Дьокуускайга суол быһылааныгар биэс оҕо эмсэҕэлээбит.

Ол курдук, муус устар 3 күнүгэр Богатырев уонна Губин уулуссаларын быһа охсуһуутугар, күөх уокка, сатыы киһи суолу туоруур дьураатынан суолу  туораан иһэр кыысчааны массыына түҥнэри көппүтэ. Ити кэннэ икки хоноот, Ленин проспегар тиэргэҥҥэ суоппар оҕо баарын өйдөөн көрбөккө эчэппитэ. Бу күн Лермонтов уулуссаҕа эмиэ оҕо эчэйиилээх быһылаан тахсыбыта. Муус устар 8 күнүгэр Петр Алексеев уонна Орджоникидзе уулуссалар быһа охсуһууларыгар эмиэ күөх уот тыган турдаҕына, суолу сатыы туораан иһэр оҕону суоппар түҥнэри көппүтэ.

Сыл саҕаланыаҕыттан Дьокуускайга оҕо эчэйиилээх уопсайа 23 суол быһылаана тахсыбыт. Үгүс маннык быһылааннарга суоппардар аһары түргэнник айаннаан испиттэрэ бэлиэтэнэр. Оҕо суолу туорууругар светофорга эрэнэр, кини улахан дьон курдук түргэнник толкуйдуу охсор кыаҕа суох. Суоппардар аҕыйах сөкүүндэ иһигэр өрүсүһэн ыстаннараллар, дьон олоҕо хаһан баҕарар инники күөҥҥэ турарын умнумаҥ!

+1
0
+1
0
+1
0
+1
0
+1
1
+1
0
+1
0
Бары сонуннар
Салгыы
13 июня
  • 16°C
  • Ощущается: 15°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: