Хаартыска: www.sakha.gov.ru
“Якутия – твоя сила духа” саҥа трек иитинэн “МУУС УСТАР” ыччат өрөспүүбүлүкэтээҕи бэстибээлигэр “Туристический код моего района” күрэс ыытыллара былааннанар.
“Бу бэйэҕит сэлиэнньэҕит, куораккыт, улуускут туристическай кыаҕын билиһиннэрэргэ уонна ону киэҥник арыйан көрдөрөргө ураты түгэн буолар. Күрэскэ 14-35 диэри саастаах улуус хамаандатыгар биэскэ диэри дьонноох ыччат бэрэстэбиитэллэрэ кытталлар. Бу күрэс көмөтүнэн Саха сирин улуустарын ис уонна тас туризмы сайыннарыыга көхтөөхтүк кыттар өрөспүүбүлүкэбит ыччатын булан сайыннарыахпыт” – диэн тэрийээччилэр этэллэр.
Күрэс үс түһүмэҕинэн ыытыллар: улуустааҕы түһүмэх – 2025 сыл олунньу 3-21 күннэригэр; өрөспүүбүлүкэтээҕи (кэтэхтэн) түһүмэх – олунньу 24-28 күннэригэр, түмүк (олоҕурбут көрүҥүнэн) – кулун тутар 20 күнүгэр. Түмүк Дьокуускайга “Үлэ кыбаартала” креативнай кластерга буолуоҕа.
Ону таһынан, “Көрөөччү биһирэбилэ” анал аат кыайыылааҕын быһаарыахтара. Кулун тутар 14-19 күннэригэр тэрийээччилэр күрэс кыттыылаахтарын видеонан роликтарын тэрийээччилэр социальнай ситимнэригэр таһаарыахтара. Аһаҕас онлайн-куоластааһын түмүгүнэн бу анал аат кыайыылааҕа биллиэҕэ.
Күрэскэ аналлаах видеонан роликтар бу тиэмэлэринэн түөрт блоктан туруохтаах: сүрүн чахчылардаах, кэрэхсэбиллээх сирдэри, биллэр-көстөр дьонун сэргэтин киллэрэн туран муниципальнай тэриллии устуоруйата; “Туристическай маршрут” блокка сүрүн өттүн ойуулаан, хайдах тиийэри ыйан туран көрдөрүү; «Событийнай туризмҥа» туристары сэҥээрдэр ураты тэрээһиннэр туһунан иһитиннэрии уонна «Якутия 36» ойуулаан, хаартыскалаан уонна ханна турарын ыйан-кэрдэн (координаты) муниципальнай тэриллии икки сүрүн эбийиэгин (миэстэтин) ойуулааһын.
“Туристический код моего района” өрөспүүбүлүкэ күрэһин балаһыанньатын сиһилии манна көрүөххүтүн сөп.
Ил Дархан уонна Бырабыыталыстыба пресс-сулууспата.
Бүгүн, кулун тутар 1 күнүгэр, Саха сиригэр Табаһыт күнэ. Ил Дархан Айсен Николаев 2020 сыл…
Бэҕэһээ, олунньу 28 күнүгэр, күнүс 15:16 чааска Мииринэй оройуонугар турба алдьанан, ньиэп бородууктата тохтубутун туһунан…
Кулун тутар 1 күнүгэр Саха сирин синоптиктара үгүс оройуоннарынан хаар, хоту буурҕа түһэрин, түүн -40...-45°…
Ньидьили үөрэххэ уонна култуураҕа үлэһиттэрэ Сайылыкка тиийэн, эһиилги Олоҥхо ыһыаҕар бэлэмнэнэр мунньахха сырыттыбыт. [gallery ids="193782,193783,193784,193785"]…
Мэҥэ Хаҥалас улууһун борокуратуурата Аллараа Бэстээххэ баар реабилитация уонна спортивнай мэдиссиинэ киинин Абалаахтааҕы салаатыгар бэрэбиэркэ…
Өлүөнэ очуостара Саха сирин биир баар-суох кэрэ көстүүлээх, хатыламмат ураты айылҕалаах кэрэ-бэлиэ миэстэтинэн буолар. Кэнники…