Анивера Акимова хаартыскаҕа түһэриитэ
Бэһис төгүлүн ыытыллар «МУУС УСТАР» ыччат бэстибээлин иитинэн, «Ийэ дойдуну көмүскээччи сылыгар — ГТО бэлэм буол!» диэн ГТО нуорматын туттарыытыгар күрэхтэһии сарсын «Кыайыы 50 сыла» успуорт дыбарыаһыгар ыытыллыаҕа.
Бүгүн мандатнай хамыыһыйа үлэтэ саҕаланна. Уопсайа 22 хамаанда сайаапка биэрбитин туһунан ВФСК ГТО эрэгийиэннээҕи киинин начаалынньыга Ариан Александров sakha-sire.ru саайтка иһитиннэрдэ.
— 11 чаастан мандатнай хамыыһыйабытын үлэлэтэн саҕалаатыбыт. 16-17 чааска хамаандалар бэрэстэбиитэллэрин кытта судейскай коллегия буолуоҕа. Онно күрэхтэһии хаамыытын быһаарсыахпыт. Сарсын 10 чаастан регистрация, 11 чаастан күрэхтэһии үөрүүлээх аһыллыыта буолуоҕа. 11.30 чааска параад кэнниттэн күрэхтэһиибитин саҕалыыбыт. Киэһэ 17 чаастан кыайыылаахтарга наҕараадалары туттарыахпыт. ГТО-ҕа биэс көрүҥ киирэр, ол иһигэр сүүрүү (челночнай), тардыныы, наартаны ойуу, уо.д.а., — диэн күрэхтэһиини тэрийээччи Ариан Александров кэпсээтэ.
Быйылгы тэрээһин байыаннай дьайыы кыттыылааҕа, Арассыыйа Дьоруойа Дмитрий Николаевич Егоров сырдык аатыгар ананар. Улуустарга кулун тутар 10 күнүгэр диэри түһүмэхтэр ыытыллыбыттара. Күрэхтэһиигэ 18-34 диэри саастаахтар хамаанданан күөн көрсүөхтэрэ.
#МУУСУСТАР2025
Өрөспүүбүлүкэ борокуратууратын сорудаҕынан Горнай оройуон борокуратуурата үлэ харыстабылын туһунан сокуону тутуһууну бэрэбиэркэлээтэ. Силиэстийэ быһаарбытынан, бу…
Бүгүн, кулун тутар 18 күнүгэр, Дьокуускай куорат "Дохсун" успуорт уораҕайыгар "МУУС УСТАР" бэстибээл иһинэн "Күүспүт…
Сунтаар улууһун Тойбохой нэһилиэгин «Далбар» үҥкүү ансаамбыла «Куораттар олохторо" бэстибээли тэрийэр кэмитиэт тэрээһининэн Татарстан Өрөспүүбүлүкэтин…
Быйыл Бүлүү өрүскэ халаан уута уустуктук ааһара сабаҕаланар. Бу туһунан Ил Дархан Айсен Николаев «Саха»…
Саҥа дьыл кэнниттэн өлүөхүмэлэр маскировочнай сиэккэни өрөргө лиэнтэни быһар станогу оҥорбуттарын туһунан Саха сирэ.ру сайт…
Мохсоҕоллооххо аһыллыбыт саҥа оскуолаҕа Арассыыйа Дьоруойа Петр Киприянов аатын иҥэрэргэ этии киллэрдилэр. Бу туһунан «Саха»…