Хаартыска: «Муус Устар» пресс-сулууспата
Кулун тутар 21 күнүгэр “Муус Устар” бэстибээл чэрчитинэн ыытыллыбыт “Суолталааҕы – кылгастык” (Коротко о важном) диэн социальнай ролик күрэҕин түмүктэрин иһитиннэрдилэр.
Кыайыылаах үрдүк аатын Диана Дохунаева “Интернет-мошенник” диэн үлэтинэн ылла. Бастыҥ социальнай сценарийга Юрий Ефимов “Собака – наш верный друг” диэн үлэтинэн кыайда. Бастыҥ үлэлээх эпэрээтэринэн Сайаан Румянцев “Работа во благо людей” диэн ролигынан буолла.
Диана Дохунаева, Арктикатааҕы культура уонна искусство государственнай институтун 2-с кууруһун устудьуона, Үөһээ Бүлүү:
«Бу ролигы дьону түөкүннэртэн сэрэтээри, болҕомтолоох буоларга үөрэтээри уһуллум. 4 тиэмэттэн сыымайдаан, тиһэҕэр, бу тиэмэни талбытым. Барытан биир күн иһигэр уһулбуппут. Ордук артыыстары буларга ыарахаттары көрсүбүппүт, чуолаан, саастаах дьону. Ол иһин ийэбэр Үөһээ Бүлүүттэн уһулан ыыт диэн сорудахтаан ыыттарбытым. Уонна билэр дьонум, доҕотторум уһулуннулар. Туох да харчыта суох, камералаах уонна кыра уоттаах үлэлээтибит. Онон, кинилэргэ улахан махталбын тиэрдэбин», – диэн кыайыылаах үөрүүтүн үллэһиннэ.
Тэрээһин бүтүүтүгэр биллиилээх харбыыһыт, Аан дойду уонна Европа чөмпүйүөнэ, сайыҥҥы Паралимпийскай оонньуулар үрүҥ көмүс призердара Анастасия Диодорованы кытта көрсүһүү буолла. Кини “Диодорова. Против течения” диэн киинэтин туһунан кэпсээтэ.
Санатан эттэххэ, бу киинэ премьерата муус устар 17 күнүгэр сүрэхтэниэ.
Татьяна Жанчикова, «Кыым» саайтан
Арассыыйаҕа “Земскэй учуутал” федеральнай бырагыраама үлэлээбитэ быйыл биэс сылын туолла. Бүгүн Дьокуускайга земскэй учууталлар өрөспүүбүлүкэтээҕи…
ИДьМ холуобунай ирдэбилин үлэһиттэрэ Алдан оройуонугар олохоох киһиттэн мобильнай төлөпүөнү уоруу чахчытынан, суһал-ирдиир дьаһалларынан 24…
Дойду Бырабыыталыстыбата оҕону иитэ ыларга уоппуска биэрии быраабылатын бигэргэттэ. Уураах 2025 сыл балаҕан ыйын 1…
Өрөспүүбүлүкэтээҕи гражданнары кытта көрсүһүү күнэ сарсын, кулун тутар 26 күнүгэр, күнүс 14:00 чаастан киэһэ 18:00…
Дьокуускайга инбэлиит уонна доруобуйаларынан хааччахтаах профессиональнай маастарыстыбаларыгар Х эрэгийиэннээҕи «Абилимпикс- 2025» чөмпүйэнээтэ түмүктэннэ. Кыайыылаахтар өрөспүүбүлүкэ…
Мииринэй оройуонун ИДьМ дознаниетын отделениета Светлай бөһүөлэккэ 55 саастаах олохтоох дьахтара урукку эрин быһаҕынан анньыбытынан…