Хаартыска: СИА.
“Муус устар” ыччат бэстибээлин түмүктүүр тэрээһинэ кулун тутар 25 күнүгэр “Өрөгөй” спорт киинигэр буола турар. Манна 3,5 тыһыынча чулуу ыччат мустан, үҥкүүнү-битиини, ырыаны-тойугу, көрү-нары көҕүлүттэн тутталар, эниэргийэ таһынан таһымнаата.
Бу бэстибээли СӨ бырабыыталыстыбата 2021 сылтан тэрийэн ыытар. Быйыл бырагыраамаҕа 12 хайысхалаах. Куонкурустарга барыта 8 тыһыынчаттан тахса киһи кытынна. Бастыҥтан бастыҥнар талыллан кэлэн, кулун тутар 24-25 күннэригэр түмүктүүр түһүмэхтэргэ кытыннылар. Бу улахан тэрээһиҥҥэ 10 тыһыынчаттан тахса көхтөөх ыччат кытынна. Сүрүн спонсор – “Эльгауголь” хампаанньа.
Тэрээһиҥҥэ голограмманы туһанан, аан дойду айыллыытын, олоҥхо туһунан аныгылыы чаҕылхай көрдөрүү көһүннэ. Ааптар уонна толорооччу – “Олоҥхо-баттл” күрэс кыайыылааҕа Анастасия Алексеева.
Түмүктүүр киэһэни ырыаһыт, ыытааччы, актриса Надежда Ангарская уонна бэстибээл “ТОП-ведущий” күрэһин кыайыылааҕа Евгений Байдин ыыталлар.
Бэстибээл кыттааччыларын Ил Дархан Айсен Николаев, Росмолодежь ааҕыныстыба салайааччыта Ксения Разуваев эҕэрдэлээтилэр.
Бу кэнниттэн 12 хайысха кыайыылаахтарын чиэстээтилэр. Куонкурустар кыайыылаахтара ыллаан, үҥкүүлээн, талааннарын өссө төгүл көрдөрдүлэр.
Художественнай гимнастикаҕа аан дойду хас да төгүллээх чөмпүйүөнэ Лала Крамаренко, бөлөҕүнэн кыттыыга олимпийскай чөмпүйүөн Ксения Дудкина маастарыстыбаларын көрдөрдүлэр.
Мантан киэһэ тэрээһин өссө салҕанан барар.
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…