Хаартыска: Анна Лебединская түһэриитэ.
Өрөспүүбүлүкэтээҕи «МУУС УСТАР» ыччат бэстибээлигэр «Саха сирэ – эн санааҥ күүһэ» бырайыак чэрчитинэн «Мин улууһум туристическай кода» куонкурус ыытыллара былааннанар.
“Төрөөбүт нэһилиэккит, куораккыт, улуускут туристическай кыаҕын билиһиннэрэргэ үтүө кэм үүннэ. Куонкуруска 14-тэн 35-гэр диэри саастаах биэс ыччат састааптаах хамаандалара кытталлар. Бу тэрээһин көмөтүнэн өрөспүүбүлүкэбит Саха сирин улуустарыгар туризмы сайыннарыыга көхтөөхтүк үлэлии сылдьар талааннаах ыччаттары булан өйүөхпүт», — диэн бэлиэтииллэр күрэхтэһиини тэрийээччилэр.
Куонкурус үс түһүмэҕинэн ыытыллар: муниципальнай түһүмэх – 2025 сыл олунньу 3 күнүттэн олунньу 21 күнүгэр диэри; өрөспүүбүлүкэтээҕи (кэтэхтэн) түһүмэх – олунньу 24 күнүттэн 28 күнүгэр диэри, бүтэһик – кулун тутар 20 күнэ. Түмүк тэрээһин Дьокуускайга «Үлэ кыбаартала» айар кластерга ыытыллыаҕа. Маны таһынан, «Көрөөччү бириэмийэтэ» номинация кыайыылааҕа быһаарыллыаҕа.
Күрэхтэһии видеоларыгар ирдэбил түөрт түһүмэхтэн турар: муниципальнай тэриллии бэлиэ сирдэрин уонна биллиилээх дьоннорун туһунан билиһиннэрэн туран, улуус устуоруйатын сырдатыы; сүрүн пууннары уонна айан маршруттара ыйыылаах туристическай маршруттары көрдөрүү, «Событийнай туризм» — улуус атын оройуоннартан туристары уратытык угуйар тэрээһиннэрэ; «Якутия 36» — улуус икки сүрүн туристическай эбийиэгин хаартыскалаан, видеолаан сырдатыы. Кулун тутар 14 күнүттэн 19 күнүгэр диэри тэрийээччилэр куонкурус кыттыылаахтарын видеоларын социальнай ситимнэргэ таһаарыахтара. Онно бу номинация кыайыылааҕа финалистар ортолоругар аһаҕас куйаар нөҥүө куоластааһын түмүгүнэн быһаарыллыаҕа.
Быйыл бэһис төгүлүн ыытыллар «МУУС УСТАР» бэстибээл араас хайысхаларга өрөспүүбүлүкэ талааннаах ыччатын өйүүргэ туһуланар. Тэрээһини «Эльга» хампаанньа өйөбүлүнэн СӨ Бырабыыталыстыбата тэрийэн ыытар. Онон өрөспүүбүлүкэ ыччаттара суолталаах тэрээһин саҥа «Мин улууһум туристическай кода» куонкуруһугар кыттан, төрөөбүт улуустарыгар туризм сайдыытыгар дьоһуннаах хардыыны оҥороллоругар сүбэлиибит.
Кулун тутар 1 күнүгэр Саха сирин синоптиктара үгүс оройуоннарынан хаар, хоту буурҕа түһэрин, түүн -40...-45°…
Ньидьили үөрэххэ уонна култуураҕа үлэһиттэрэ Сайылыкка тиийэн, эһиилги Олоҥхо ыһыаҕар бэлэмнэнэр мунньахха сырыттыбыт. [gallery ids="193782,193783,193784,193785"]…
Мэҥэ Хаҥалас улууһун борокуратуурата Аллараа Бэстээххэ баар реабилитация уонна спортивнай мэдиссиинэ киинин Абалаахтааҕы салаатыгар бэрэбиэркэ…
Өлүөнэ очуостара Саха сирин биир баар-суох кэрэ көстүүлээх, хатыламмат ураты айылҕалаах кэрэ-бэлиэ миэстэтинэн буолар. Кэнники…
Валерий Габышев алмааһы хостуур бырамыысыланнаска олоҕун 30 сылын анаата уонна биһиэхэ үтүө үлэһит, олоххо дьулуур…
Бу 1990 сыллаахха этэ. Сир ийэ барахсан сайыҥҥы симэҕин кэтэн, олус киэркэйэн турар кэмэ. Хонуу…