Хаартыска: SakhaGov
«МУУС УСТАР» V өрөспүүбүлүкэтээҕи ыччат бэстибээлин «Креасфера+» цифровой худуоһунньуктар күрэхтэригэр 117 сайаапка киирдэ.
“Сайаапкалар Дьокуускай куораттан уонна «Жатай» куораттааҕы уокуругуттан, ону тэҥэ 17 улуустан киирдилэр. Кыттааччылары талыы түмүгэ кулун тутар 10 күнүгэр тэрийээччи саайтыгар: https://parkyakutia.ru/ биллиэҕэ. Куонкуруска хапсыбыт ыччаттар кулун тутар 18-19 күннэригэр анал үөрэҕи ааһыахтара. «Креасфера+» худуоһунньуктар куонкурустара Улуу Кыайыы 80 сылыгар ананар.
Тиэмэлэрэ: “Аҕа дойду Улуу сэриитигэр Кыайыы 80 сыла”, “Саха Өрөспүүбүлүкэтигэр Ийэ дойдуну көмүскээччи сыла”, “Күннээҕи олоххо патриотизм”, “Патриотизм бэлиэлэрэ”. Куонкурус икки көрүҥүнэн ыытыллаллар: цифровой уруһуй уонна цифровой графика. Искусственнай интеллект көмөтүнэн оҥоһуллубут үлэлэр куонкуруска кытталлара көҥүллэммэт.
«Креасфера+» цифровой худуоһунньуктар куонкурустарын тэрийээччилэрэ — СӨ Сайдыы корпорацията уонна «Кэлэр көлүөнэлэр пааркалара» АНО ДПО буолаллар” диэн тэрийээччилэр иһитиннэрэллэр.
“Муус устар” тэрээһин Саха сиригэр быйыл бэһис төгүлүн ыытыллар. Тэрээһин араас хайысхаларга өрөспүүбүлүкэ эдэр талааннаахтарын буларга, өйүүргэ уонна өрө тутарга туһуланар. Генеральнай спонсор «Эльга» хампаанньа өйөбүлүнэн ыччат бэстибээлин СӨ Бырабыыталыстыбата тэрийэр.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…