«Муус Устар» бэстибээлгэ бастыҥ блогеры талыахтара

Өрөспүүбүлүкэтээҕи блогердар куонкурустарын «Муус Устар» ыччат бэстибээлин чэрчитинэн ыытыахтара.

Кыайыылаахтары биэс номинациянан быһаарыахтара: «Бастыҥ блогер», «Бастыҥ үөрэх контена», «Бастыҥ социальнай блог» уонна «Сыл арыйыыта». Куонкуруска 18-тан 35-гэр диэри саастаах оҕолор кыттыахтарын сөп. Бэстибээл бастыҥ блогера 100 тыһыынча солкуобайы ылыаҕа. Атын түөрт номинация кыайыылаахтарын эмиэ сыаналаах бириистэр күүтэллэр.

Сайаапканы кулун тутар 1 күнүгэр диэри muusustar.2025@mail.ru.почтаҕа ыытыахха наада. Сурукка төлөпүөн нүөмэрэ, аккаунт сигэрэ, ханаал страницата суруллар. Куонкурус сүрүн түһүмэҕэ Дьокуускайга кулун тутар 9 күнүттэн кулун тутар 22 күнүгэр диэри ыытыллыаҕа. Балаһыанньаны кытта сиһилии манна билсиэххэ сөп.