Муус устарга 872 оҕо күн сирин көрбүт
![](https://sakha-sire.ru/wp-content/uploads/2024/05/610d85d0829c222bf6c88da9ed7750de9326be32-1060x596.jpg)
Муус устарга 872 оҕо күн сирин көрбүт.
Дьиэ кэргэн уонна Оҕо саас сылларыгар Саха сиригэр муус устарга 872 оҕо төрөөбүт. 450 уол, 422 кыыс. Оттон быйыл түөрт ыйга барыта 3451 оҕо күн сирин көрбүтэ бэлиэтэнэр, итинтэн – 1732 кыыс, 1719 — уол.
ЗАГС управлениета иһитиннэрбитинэн, муус устарга уолаттарын төрөппүттэр ордук Марк, Лев, Михаил, Артём, Дамир, Роман диэн ааттаабыттар. Маны таһынан, Агит, Данте, Кесарь, Мстислав, Рудольф, Судайс диэн сэдэх ааттар бэриллибитэрэ эмиэ бэлиэтэнэр.
Оттон кыргыттарын төрөппүттэр ким диэн ааттаабыттарый? Муус устарга ордук Ева, София, Виктория, Эмилия, Аделина, Сайаана диэн ааттаабыттара ыйыллар. Ол быыһыгар сэдэхтик да буоллар Апрель, Ганна, Иветта, Кеана, Робия, Синильга диэн ааттары эмиэ биэрбиттэр.
СӨ Ил Дарханын уонна Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: