«Улуу Кыайыы 80 сыллаах үбүлүөйүн көрсө дойду үрдүнэн Аҕа дойдуну көмүскээччи сылын, өрөспүүбүлүкэҕэ тИйэ дойдуну көмүскээччи сылын бэлиэтиибит. Онон дойдуга бэриниилээх буолуу тиэмэтэ күүскэ ыытылла турар. Бэстибээл сүрүн соруга — ыччат дойдутун устуоруйатын, РФ сэбилэнииилээх күүстэрин туһунан дириҥник хорутан үөрэтиитигэр, билиитигэр туһуланар. «Муус устар» бэстибээл бырагырааматыгар бастакыбытын «Дойдуну көмүскээччи» диэн хайысханы киллэрдибит. Бу дроннар күрэстэрэ уонна «Сила в единстве» диэн байыаннай бэлэмнэнии, патриотическай иитии куонкуруһа буолар», – диэн СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ. Бу күрэхтэһиигэ ыччат 14-35 сааһыгар диэри кыттыан сөп. Саамай сүрүнэ салгыҥҥа көтөр тэрили лүөтчүгэ суох салайыы буолар.
Ол курдук, бэриллибит бириэмэ иһигэр ирдэбили тутуһан моһоллордоох суолу туораан көтүөхтээх.
Күрэхтэһии балаһыанньатын манна билсиэххэ сөп здесь.
Бэлиэтээн суруйдахха, «Муус устар» бэстибээл Дьокуускайга 2021 сылтан ыытыллар. Быйыл номнуо бэсиһин ыытыллыахтаах. Тэрээһин сүрүн соруга — өрөспүүбүлүкэ эдэр талааннарын талыы уонна таһаарыы буолар. Бэстибээли СӨ Бырабыыталыстыбата «Эльга» хампаанньа өйөбүлүнэн тэрийэр.