Мария Васильева хаартыската, ЯСИА.
Муус устартан Дьокуускайга маршрутнай оптуобустарга бырайыас ыарыаҕа. Саҥа тарыыптары бу нэдиэлэҕэ бигэргэтиэхтэрэ.
Муус устар 1 күнүттэн Дьокуускайга маршрутнай оптуобустарынан айан сыаната үрдүөҕэ – 16,6 быр. Саҥа тарыыбы бу нэдиэлэҕэ бигэргэтиэхтэрэ. Бу туһунан СИА кэрэспэдьиэнигэр куорат баһылыга Евгений Григорьев иһитиннэрдэ.
“Оптуобус маршруттарыгар айан сыаната муус устар 1 күнүттэн үрдүөҕэ. Ол эрээри проезднойунан уруккутунан хаалыаҕа. Үрдээһин ГСМ уонна саппаас чаас сыаната үрдээһинин кытта сибээстээх. Ону тэҥэ биһиги куораттааҕы тиэйиигэ-таһыыга тиэхиньикэни саҥардыы улахан бырагырааматын саҕалаатыбыт. Оптуобустар суоппардарын хамнастарын үрдэтээри, инфляцияны кытта тэҥнээри эмиэ маннык быһаарыныыны ылынныбыт, — диэтэ СИА-ҕа Евгений Григорьев.
Оптуобуһунан айан сыаната муус устар 1 күнүттэн ортотунан 16,6%. ыарыыра күүтүллэр. Саҥа тарыыптары бу нэдиэлэҕэ бигэргэтиэхтэрэ.
Дьокуускай мээрэ тарыыптары үрдэтии тус сыаллаах көрүҥнээх миэрэ диэтэ. Быйыл тиэхиньикэни саҥардыллыахтаах.
“Боппуруос күннэтэ оптуобустарынан туһанар куорат тыһыынчанан олохтооҕор сыһыаннаах. Биһиги дьон туһугар кыһанабыт. Ол эрээри бу олус уустук математическай уонна социальнай сорук, экэниэмикэни кытта сибээстээх. Холобур, ЯПАК-ка тарыыптарын да үрдэтэн лизининэн төлөбүр ороскуотун кыайан саппаппыт. Кэтэх оптуобустарга балаһыанньа судургу: накладной ороскуоттар аҕыйахтар, куорат таһынааҕы маршруттар суохтар”, — диэтэ Дьокуускай баһылыга.
Дьокуускайга уопсастыбаннай тырааныспарка анаан 74 саҥа оптуобуһу ылыахтара диэн эрдэ суруйан турабыт.
Николай Борисов, СИА
Хаартыска: Мария Васильева, СИА
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…