Андрей Сорокин хаартыската, СИА.
Бүгүн сарсыарда Саха сиринээҕи ЫБММ телеграм-ханаалыгар суруйалларынан, өрөспүүбүлүкэ өрүстэрин туруга маннык.
Өлүөнэ өрүскэ Ленскэй улуус уонна Иркутскай уобалас сирдэринэн муус хойуутук устар. Муус алын кирбиитэ Витим бөһүөлэгиттэн 10 км аллараа бэлиэтэнэр. Уу таһыма 303 см, кутталлаах таһым 950 буолар.
Пеледуй бөһүөлэгэр уу таһыма 699 см, кутталлаах таһым 1200 см.
Ленскэй куоракка уу таһыма – 168 см., кутталлаах таһым 1410 см. (даамбаны учуоттаатахха 1760 см.).
Муус үөһээҥҥи устуута Иркутскай уобалас Визирнай нэһилиэнньэлээх пуунугар бэлиэтэнэр. Муус барыытын уопсай устата 131 км. тэҥнэһэр. Суукка устата 53 км. сыҕарыйбыт.
Олоохуна өрүскэ Өлүөхүмэ улууһун Дьиикимдэ-Куду Күөл учаастагынан уу таһыма салгыы тахсар, суукка устата 10 см 34 см диэри тахсыбыт, ырбыыламмыт уонна муус ууламмыт.
Алдан өрүскэ уу таһыма суукка устата 0,1 митэрэттэн 1,2 миэтэрэҕэ диэри эбиллибит, муус турар, уулаах, мууһу өрө көтөхпүт, сыҕарыйбыт. Суукка устата уу таһыма 15 см. үрдээбит, муус хамсааһына бэлиэтэнэр, ууламмыт.
Амма өрүскэ муус алын кирбиитэ Сулҕаччыттан 5 км. алын бэлиэтэнэр, уу таһыма 374 см, кутталлаах таһым – 925 см. буолар. Муус үөһээҥҥи кирбиитэ – Өннньүөстэн 6 км. үөһэ бэлиэтэнэр. Муус барыытын уопсай уһуна 252 км. Суукка устата 29 км. сыҕарыйбыт. Биир-икки суукканан Амма, Чурапчы улуустарыгар тиийиэҕэ.
Бүлүү өрүскэ муус турар, уу таһыма кыратык тахсыбыт.
Хоту уонна хотугулуу-илин өрүстэр кыһыҥҥылыы тураллар.
Бэс Күөлүн сэлиэнньэтинэн Дьүктүөнэ уутун таһыма 1006 см. тэҥнэһэр. Бүгүн 9 ч. туругунан ууга барбыт олорор дьиэ суох.
Улуус дьаһалтата быстах кэмнээх дьиэлэргэ олорорго этии киллэрбит. Олохтоохтор аккаастаммыттар.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…