Муус устуутун туруга

Муус устуутун туругун туһунан бүгүн, ыам ыйын 11 күнүгэр, Саха сирин Быыһыыр сулууспатын начаалынньыга Иннокентий Андросов иһитиннэрдэ.

—Ленскэй оройуонун сиринэн-уотунан муус билигин да күүскэ уста турар. Күн устатыгар көмүөл мууһа 15-20 км хамсаабыт. Бүгүн Батамай арыытыгар тиийэр. Бэҕэһээ манна муус биллэрдик хамсаабыта. Турукта уонна Нотуора оройуоннарыгар көмүөл мууһа эмиэ хамсаабыта. Уу аҕыйах буолан, Өлүөнэҕэ муус барыыта бытаан, — диэн иһитиннэрэр кини.

Иннокентий Андросов иһитиннэрбитинэн, Хаҥалас оройуонугар Буотаматтан уонна Сиинэттэн кутуллан киирэн, миэстэтигэр муус хамсааһына күүһүрбүт. Бу Өлүөнэ эбэҕэ хамсааһыны таһааран, Хаҥалас оройуонугар муус барыытыгар көмөлөөх буолуо.

Нам улууһугар сорох сирдэринэн муус хамсыыр.  Дьокуускай диэки муус хамсааһына ыам ыйын 14-15 күннэригэр күүтүллэр.

Сиһилии: https://www.sakha.gov.ru/news/4244 манна көрүөххэ сөп.

СӨ Ил Дарханын уонна Бырабыыталыстыбатын пресс-сулууспата