Муус ылан көмөлөстүлэр

Бу  күннэргэ  муус  ылыыта  саҕаланна. Тыа сирин олохтоохторугар сыл тахсар мууһунан хааччыныыга былдьаһыктаах күннэр тураллар. Онон үтүө дьыала чэрчитинэн, Тулагы-Киллэм   аҕаларын  түмсүүлэрэ ыҥырыы  таһаардылар. Кинилэр бэтэрээннэргэ, элбэх  оҕолоох ыалларга, байыаннай дьайыы кыттыылаахтарыгар муус  ылан,  тиэйэн  көмө  оҥоро  сылдьаллар.

Мин  бэйэм өр  сыл  үлэлээбит уһуйааным  эр дьонугар, аҕаларга  улахан  махталбын тиэрдэбин. Дьиэ  кэргэттэригэр  бары  үчүгэйи, дьолу, доруо­буйаны  баҕарабын.

Аны  да  бу  тэрээһинҥит салҕанан, сыл  аайы ыаллары  үөрдэ сылдьыҥ!

Клара Федотова, Сыырдаах олохтооҕо.