Мууска хаайтарбыт икки аал экипаһын эвакуациялаатылар

Бүгүн, алтынньы 23 күнүгэр, Булуҥ улууһугар мууска хаайтарбыт икки аал 11 киһилээх экипаһын эвакуациялаатылар, диэн Саха сиринээҕи Быыһыыр сулууспата иһитиннэрэр.

Устар ааллар Быковскай — Дьокуускай хайысханан айаннаан иһэн, Күһүүр сэлиэнньэтин таһыгар Өлүөнэ өрүскэ мууска хаайтарбыттар. Күһүүрдээҕи нэһилиэк баһылыга иһитиннэрбитинэн, суудуналар тохтообуттарын төрүөтэ биллибэт. 10 чааска 45 мүнүүтэҕэ суудуналар тохтообут сирдэригэр «Полярные авиалинии» хампаанньа МИ-8 бөртөлүөтэ көппүтэ. Суудуналар экипажтарын Тиксиигэ тиксэрдилэр. Эчэйбит,  көмөҕө наадыйар дьон туһунан иһитиннэрии киирбэтэх.

Булуҥҥа мууска икки аал хаайтарда