"Дороги Арктики" Телеграм-ханаалтан.
Муус устар 20 күннэригэр таһаҕаһы толору тиэммит сэттэ улахан массыына Аллайыаха оройуонун киинигэр айаннаан иһэн, ууга түспүттэрэ. Бу туһунан Sakhaday.ru саайт суруйар.
Кыһыҥҥы суол сабыллыбытын, айан бобуллубутун билэ-билэ, улахан уйуктаах массыына суоппардара Дьокуускайтан айаҥҥа туруммуттара. Ол курдук, алта массыынаны Муома оройуонун таһыгар быыһаабыттара. Оттон бүтэһик массыына Индигиир өрүс боротуокатыгар тимирбитэ.
Аллайыаха оройуонун баһылыга Яков Елисеев иһитиннэрбитинэн, алта массыына Муома оройуонуттан чугас түспүт. Онон улахан тиэхиньикэлэр көмөлөрүнэн ууга түспүт массыыналары хостоон, Хонуу бөһүөлэгэр аҕалыллыбыттар. Ити алта массыына таһаҕаһа өрүс суолунан Чокуурдаахха тиэрдиллиэхтээх.
— Бу фуралар бары тус-туспа айаннаан испиттэр. Бүтэһик испит «КАМаз» массыына Өймөкөөн уонна Муома оройуоннарын икки ардыгар Индигиир өрүс боротуокатыгар түспүт. Муус ыйааһыннаах тиэхиньикэни уйбатынан ЫБММ уонна быыһыыр сулууспа массыынаны хостууртан аккаастаммыттара. Хайдах бачча ыйааһыннаах тиэхиньикэлэр сабыылаах өрүс суолунан — Дьокуускай-Аллараа Бэстээх, онтон Алдан- Индигиир өрүс суолларын туораабыттарай? Арааһа, ГИБДД пуоһун кыйа тумнан ааспыт буолуохтарын сөп. Оттон тимирбит «КАМаз» кыһыҥҥы кэмҥэ кытта тиэйиллибэт ыйааһыннааҕы тиэйэн айаннаабыт. Биһиги бу туһунан биир кэлим диспетчерскэй сулууспаттан ыам ыйын 2 күнүгэр истибиппит.
Бэлиэтээн суруйдахха, өрүс суола Өлүөнэ, Алдан, Бүлүү эбэлэргэ муус устар 15 күнүгэр сабыллыбыттара. Оттон 30 туоннаҕа диэри ыйааһыннаах тиэхиньикэлэргэ өрүс суола муус устар 3 күнүгэр сабыллыбыта.
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны бөх контейнерыгар бырахпыт дьон хас да тыһыынча солкуобайга диэри ыстараапка…