Бу туһунан бырайыак научнай-методическэй киинин салайааччыта Ольга Харайбатова Ил Дархан Айсен Николаевы кытта көрсүһүүтүгэр сиһилии кэпсээтэ. “Муусука барыбытыгар” бырайыак Саха сиригэр 2013 сылтан өрөспүүбүлүкэ бастакы бэрэсидьиэнэ Михаил Николаев көҕүлээһининэн саҕаламмыта.
Бүгүҥҥү күн туругунан, бу тэрээһин оскуолаҕа үөрэнэр оҕо 75%, уһуйаан ииитиллээчилэрин 97% хабар. 2014 сылтан пилотнай бырайыак быһыытынан оскуолаларга киирэн, 1-4 кылаастарга нэдиэлэҕэ үстүү чаас, 5-9 кылаастарга иккилии чаас эбии муусука уруоктара ыытыллан саҕаламмыттара.
2023 сылтан бырагыраама саҥа түһүмэҕэ — муусука уопсай үөрэҕин бары орто оскуолаларга тарҕатыы саҕаланыаҕа. Муусуканан умсугуйар оҕолор ахсааннарын элбэтэр сыалтан оскуолаларга муусука куруһуоктара арыллыахтара, духовой уонна норуот аркыастырдара, вокальнай-инструментальнай ансаамбыллар, хордар тэриллиэхтэрэ.
Айсен Николаев бырагыраама кэҥиирин биһирээтэ, эбии “хореография” салаатын бырайыакка эбэр туһунан этиини киллэрдэ.
Санатан эттэххэ, бу бырайыагы атын эрэгийиэннэргэ тарҕатыы туһунан этиини Саха сиригэр 2019 уонна 2022 сылларга ыытыллыбыт III уонна IV Норуоттар икки ардыларынааҕы кэнгириэстэр кыттааччылара өйөөбүттэрэ.
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…