Муусука истэ турдаҕына төлөпүөнүн былдьаабыттар

Уулуссаҕа дьонтон төлөпүөнү, суумканы уоруу, былдьааһын биирдэ эмит тахсар. Биир оннук түбэлтэ Дьокуускайга таҕыста.

Полиция 4-с нүөмэрдээх отделыгар ас-үөл маҕаһыынын таһыгар  төлөпүөнүн былдьаппыт олохтоох киһиттэн сайабылыанньа киирбит.  Хоромньу кээмэйэ  6 000 солк.

Суһал-ирдиир үлэ кэмигэр холуобунай ирдэбил үлэһиттэрэ  Алдантан төрүттээх  33 саастаах уорбаланааччыны туппуттар.

Быһаарыллыбытынан, эмсэҕэлээччи маҕаһыын кэннигэр муусука истэ турбут. Онуоха уорбаланааччы эмискэ кэлэн төлөпүөнүн былдьаан баран куоппут.

Уоруйах төлөпүөнү  цифровой ломбардка туттарбыт, ол харчытын  наадатыгар туһаммыт.

Билигин эр киһиэхэ РФ Холуобунай кодексын 161 ыст. 1 ч. холуобунай дьыала көбүтүлүннэ.