Хаартыска: Антонина Пинигина тиксэриитэ.
Алтынньы 30 күнүгэр В.И. Малышкин аатынан куорат 23 №-дээх оскуолатыгар муусука учууталларын “Музыкальнай палитра” II аһаҕас идэлээх куонкурустара ыытылынна.
Куонкурус муусука уһулуччулаах учуутала Владимир Малышкин төрөөбүтэ 76 сааһыгар ананна. СӨ үтүөлээх учуутала, “Муусука барыбытыгар” бырайыагы олоххо киллэрсибит үтүөкэн педагог кэриэһигэр ыытыллар куонкурус өрөспүүбүлүкэ таһымыгар таҕыста, тэрээһин Үөрэхтээһини сайыннарар институт өйөбүлүнэн ыытыллар. Дьүүллүүр сүбэ бэрэссэдээтэлинэн Үөрэхтээһини сайыннарар институт кафедратын сэбиэдиссэйэ Мария Слепцова үлэлээтэ.
Куонкуруска алта талааннаах муусука учуутала күрэхтэстэ: Дьокуускайтан ЦГО гимназия учуутала Лина Кан, “РС(к)ШИ” учуутала Айталыына Петрова, 29 №-дээх оскуола учуутала Алена Платонова, 23 №-дээх оскуола учуутала Семен Талыбыев, Покровскай 3 №-дээх оскуолаттан Анна Петрова уонна Маҕан оскуолатын учуутала Нелли Сизых.
Куонкурус түмүгүнэн Лина Кан кыайыылааҕынан таҕыста, Алена Платонова I истиэпэннээх, Семен Талыбыев II истиэпэннээх дьупулуомнарынан наҕараадаланнылар.
Анна Петрова “Айар суолу көрдөөһүн” анал ааты ылла, Нелли Сизых “Бастыҥ уруогу таһынан дьарыктаныы” анал аат дьупулуомун тутта, Айталыына Петрова “Уратылаах маэстро” анал аатынан наҕараадаланна.
Кыттааччылар бары Үөрэхтээһини сайыннарар институт уопутун тарҕаталларын туһунан сэртипикээти туттулар.
Антонина Пинигина.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…