Андрей Сорокин хаартыската, СИА.
2024-2025 үөрэх дьылыгар Муусука үрдүкү оскуолата оҕолору сүүмэрдиирин туһунан оскуола үөрэххэ уонна научнай үлэҕэ проректора Светлана Вдовенко иһитиннэрдэ. Оҕолору сүүмэрдээһин, талыы муус устар 17 күнүттэн саҕаланыаҕа.
«Баҕалаах оҕо ахсаана сыл ахсын элбиир. Ааспыт сылга биир миэстэҕэ ортотунан иккилии хандьыдаат баара. Муусука үрдүкү оскуолатыгар үөрэнии муусука эйгэтигэр оҕо талаанын арыйарга кыах биэрэр. Туспа биридимиэт рейтинигэр «Музыкальное искусство» хайысха номнуо иккис сылын лигаҕа киирэр. Онон талааннаах оҕолору кэтэһэбит», – диэн проректор санаатын үллэһиннэ.
Билигин Муусука үрдүкү оскуолатыгар 174 үөрэнээччи уонна 103 устудьуон үөрэнэр. Бу оскуоланы бүтэрбит оҕолор истэригэр өрөспүүбүлүкэ норуодунай уонна үтүөлээх артыыстара бааллар. Оскуола үтүөтүнэн Саха сирин судаарыстыбаннай филармонията аһыллан, «Виртуозы Якутии» о.д.а. ансаамбыллар үүммүттэрэ. Муусука үрдүкү оскуолатын бүтэрээччилэр өрөспүүбүлүкэҕэ эрэ буолбакка, Арассыыйаҕа ускуустуба, култуура, үөрэх араас эйгэтигэр үлэлииллэр. Олор истэригэр Мариинский тыйаатыр, Большой тыйаатыр, Нуучча филармониятын симфоническай оркестра, Михайловскай тыйаатырдары ааттыахха сөп.
Ааспыт сыл балаҕан ыйыгар Арассыыйа бэрэсидьиэнэ өрөспүүбүлүкэ бырабыыталыстыбатыгар Муусука үрдүкү оскуолатын тутуутун хааччыйарга сорудахтаабыта. Ол курдук, 240 оҕо үөрэнэригэр уонна 150 миэстэлээх уопсай дьиэни тутуу былааннанар.
Муусука үрдүкү оскуолатын тутан үлэҕэ киллэрии 2026 сыл ахсынньы 31 күнүгэр былааннанар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…