Ил Дархан, бырабыыталыстыба пресс-сулууспата.
2024 сыл бүтүөр диэри В.А. Босиков аатынан Муусука үрдүкү оскуолатын үөрэнэр куорпуһун тутуутун бастакы түһүмэҕэ түмүктэниэҕэ. Бэрэсидьиэн Владимир Путин сорудаҕынан, саҥа үөрэнэр куорпус 2026 сыл бүтүөр диэри тутуллан бүтүөхтээх.
— Тутуу сүрүн үлэтэ бэрэсидьиэн ыйааҕа тахсаатын кытта саҕаламмыта. Билигин сыбаайалара турдулар, үлэ салҕанар. Тутуу матырыйаалларын атыылаһарга уонна аҕалтарарга эбии үбүлээһини күүтэбит, — диэн оскуола дьаһайар-хаһаайыстыбаннай чааһын проректора Егор Гоголев эттэ.
Владимир Путин 2024 сыл бэс ыйын 18 күнүгэр Дьокуускайга кэлэ сылдьан, РФ бырабыыталыстыбатыгар 2024-2026 сылларга федеральнай бүддьүөттэн үбүлээһини көрөргө, 2026 сылга саҥа куорпуһу тутан бүтэрэргэ уонна 2025 сылга муусука үнүстүрүмүөннэринэн хааччыйарга сорудахтаабыта.
Үс этээстээх, 9,5 тыһ.кв.м. иэннээх үөрэнэр комплекска 240 үөрэнээччигэ анаммыт үөрэнэр куорпус уонна 150 миэстэлээх интэринээт баар буолуоҕа. Манна улахан кэнсиэртиир саала, бибилэтиэкэ, фонотека кэбиниэтэ, спортивнай саала, устар устуудьуйа, о.д.а. баар буолуохтаах.
Муусука үрдүкү оскуолата бастакы бэрэсидьиэн Михаил Николаев көҕүлээһининэн, 1993 сыллаахха тэриллибитэ. Идэтийбит муусукааны бэлэмнииргэ бары таһымнара — уопсай үөрэхтээһин (начаалынай, сүрүн уонна орто уопсай), анал орто уонна үрдүк үөрэх баар. Саҥа куорпус тутулуннаҕына, үөрэнээччилэр ахсааннарын элбэтэргэ уонна оҕолорго олус үчүгэй усулуобуйаны тэрийэргэ кыах үөскүүр.
Ил Дархан, бырабыыталыстыба пресс-сулууспата.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…