Хаартыска: СӨ Ил Дарханын уонна Бырабыыталыстыбатын пресс-сулууспата
В.А. Босиков аатынан Саха сиринээҕи Муусука Үрдүкү оскуолатын оҕо духуобунай оркестра Улуу Кыайыы 80 сылыгар анаммыт «Сталинград Куубага» духовой оркестрдар куонкурустарыгар кыттан Бүтүн Арассыыйатааҕы бэстибээлгэ финалга таҕыста.
«Сталинград Куубага» финала ыам ыйын 1-4 күннэригэр Волгоградка Аҕа дойдуну көмүскээччи уонна Улуу Кыайыы 80 сылын чэрчитинэн ыытыллар.
Тэрээһин Култуура көҕүлээһинигэр Бэрэсидьиэн пуондатын өйөөбүлүнэн дойду бастыҥ духуобунай кэлэктииптэрин түмтэ, диэн СӨ Ил Дарханын уонна Бырабыыталыстыбатын пресс-сулууспата суруйар.
Куонкуруска эбии Волгоград уобалаһын араас оройуоннарыгар «Музыка на фронтах Великой Отечественной войны» диэн ааттаах кэнсиэртэр ыытыллыахтара. Сүрүн тэрээһиннэринэн своднай оркестр Мамаев Кургаҥҥа уонна гала-кэнсиэр Амфитеатрга ыытыллар буоллулар.
Санаттахха, быйыл тохсунньу 15 күнүттэн олунньу 10 күнүгэр диэри ыытыллыбыт сүүмэрдиир турнир түмүгүнэн дойду 28 эрэгийиэниттэн уонна Беларусь Өрөспүүбүлүкэтин 28 эрэгийиэниттэн, Донецкай уонна Луганскай Норуодунай Өрөспүүбүлүкэр оркестрдары киллэрэн туран, финалга 10 бастыҥ кэлэктиип кыайыылаах таҕыспыта.
Муусука Үрдүкү оскуолатын оҕо духовой оркестра куонкурус бастакы түһүмэҕин кыайыылааҕынан уонна Уһук Илин федеральнай уокуруктан соҕотох бэрэстэбиитэлинэн буолар.Муусука Үрдүкү оскуолатын духуобунай уонна ударнай үнүстүрүмүөннэрин кафедратын сэбиэдиссэйэ, Саха сирин үтүөлээх артыыһа Александр Кузьмин салалтатынан куонкурус 30 эдэр мусукааны түмтэ. Оркестр 1994 сыллаахха тэриллибитэ уонна «Серебряные трубы Черноморья», «Дальневосточные фанфары», «Господин Великий Новгород», «Оркестровый фейерверк» курдук араас бэстибээллэргэ лауреат буолбута.
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…