Хаартыска: sakha.gov.ru
В.А. Босиков аатынан СӨ Муусука Үрдүкү оскуолатын дьиэтин комплексын иккис уочаратын тутуута кыраапык быһыытынан салҕанан саҥа түһүмэххэ таҕыста. Эбийиэк тутуутун боппуруостарын Саха сирин бастакы вице-премьера Дьулустаан Борисов салалтатынан ыыппыт сүбэ мунньахха дьүүллэстилэр. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Былырыын алтынньыга барыта 142 сыбаайа түһэриллибитэ. 11 термометрическай турбаны туруоруу үлэлэрэ ыытылыннылар, 4 гидрогеологическай хаһыылар оҥоһулуннар, сүрүн дьиэ уонна эбии тутуулары тутууга куонкурус докумуона бэлэмнэннэ.
Билигин аныгыскы үлэҕэ бэлэмнэнии үлэтэ барар, ону тэҥэ сүрүн эбийиэктэри тутууга куонкурус процедурата бара турар. Эбийиэги 2026 сыл бүтүүтэ үлэҕэ киллэрии былааннанар. Дьулустаан Борисов бэлиэтээбитинэн, саҥа эбийиэк инфраструктурата аныгы үөрэх бырагыраамаларын олоххо киллэрэргэ, үөрэх дьиссипилиинэтин ахсаанын элбэтэргэ уонна үөрэнээччилэр, устудьуоннар саҥа идэлэри баһылыылларыгар көмөлөһүөҕэ. Саҥардыллыбыт кылаастарга уонна саалаларга анал репитициялыыр хостор, киэҥ-куоҥ аудиториялар, звукозапись устуудьуйата, бибилиэтиэкэ уонна фонотека баар буолуохтара. Бу дойду тутаах педагогтарын кыттыыллаах ансамбллар уонна оркестрдар быраактыкатын сайыннарар, музыкальнай бэстибээллэри уонна кэнсиэртэри тэрийэр усулуобуйа ситиһиллиэҕэ.
Сүбэ мунньахха итини сэргэ музыкальнай үнүстүрүмүөннэри, оборудованиены атыылаһыы уонна аҕалыы, звукозапись устуудьуйатын тэрийэн үөрэнээччилэргэ уонна учууталларга тупсаҕай эйгэни тэрийии боппуруостарын дьүүллэстилэр.
«Дойду Бэрэсдьиэнэ Владимир Путин сорудаҕынан Саха сирин Муусука Үрдүкү оскуолатын иккис уочаратын тутуута ураты хонтуруолга турар. Үөрэх тэрилтэлэрин комплекса олохтоммут болдьоххо үлэҕэ киллэриллиэхтээх. Онуоха үлэ кыраапыгын кытаанахтык тутуһуллуохтаах уонна тутууга бары биэдэмистибэлэр икки ардыларынааҕы бииргэ үлэлээһиннэри күүһүрдүөххэ наада», — диэн бэлиэтээтэ Дьулустаан Борисов.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…