Андрей Сорокин хаартыската, СИА.
Бүгүн, муус устар 27 күнүгэр, Дьокуускайга Муусука Үрдүкү оскуолатын кампуһун тутуу бастакы сыбаайатын түһэрдилэр. Эбийиэк 240 миэстэлээх үөрэнэр куорпустаах, кэнсиэртиир саалалаах уонна 150 миэстэлээх интэринээттээх буолуоҕа. Эбийиэк 2026 сыл сайыныгар тутуллан бүтүөхтээх.
«Биһиги бастакы бэрэсидьиэммит Михаил Ефимович Николаев бэйэтин ыйааҕынан Муусука Үрдүкү оскуолатын төрүттээбитэ. Оскуола хас да сыллар усталара өрөспүүбүлүкэҕэ эрэ буолбакка, дойду үрдүнэн муусука эйгэтигэр каадырдары бэлэмниир акылаатынан буолар. Саҥа оскуола өрөспүүбүлүкэ уонна Арассыыйа муусукатын үөрэҕэр флагман быһыытынан хааларыгар Муусука Үрдүкү оскуолатыгар бары усулуобуйа тэриллиэҕэ», — диэн Ил Дархан Айсен Николаев санаатын үллэһиннэ.
Ил Дархан Айсен Николаев бэлиэтииринэн, дойду бэрэсидьиэнэ Владимир Путин Саха сиригэр бастакы кэлиитигэр Муусука Үрдүкү оскуолатыгар сылдьыбытын ахтар эбит:
«Бэрэсидьиэн Владимир Путины ыраах улуустартан үөрэнэ кэлбит биһиги талааннаах оҕолорбут классическай айымньылары толорон сөхтөрбүттэр. Баҕар итиннэ сытара буолуо, бэрэсидьиэн биһиги өрөспүүбүлүкэбитигэр ураты сыһыанын кистэлэҥэ. Онон эһиэхэ улаханнык махтанабын».
Муусука Үрдүкү оскуолатын ректора Надежда Зайкова өрөспүүбүлүкэ аҕа баһылыгар федеральнай бырабыыталыстыба быһаарыытын кэтэспэккэ, тутуу өрөспүүбүлүкэ үбүлээһининэн саҕаламмытынан махталын биллэрдэ:
— Өрөспүүбүлкэбит күнүн күүһэ, эньиэргийэтэ тутуубут кэмигэр тутуллан үлэҕэ киирэригэр төһүү күүс буолуо диэн эрэнэбит. Манна оскуолабыт оҕолоро, кинилэр төрөппүттэрэ, эбээлэрэ, эһээлэрэ муһуннулар. Ону сэргэ билигин тэҥҥэ тутулла турар Арктическай ускуустуба уонна эпос киинэ биһиги оҕолорбут үчүгэй акустикалаах саалаҕа дьырктаналларыгар уонна аан дойду, Арассыыйа таһымнаах муусукалары истэллэригэр кыаҕы биэриэҕэ.
Саҥа оскуоланы «СК-15» тэрилтэ тутуоҕа. Тутуу 2026 сыл ибэс ыйын 20 күнүгэр аанын аһыаҕа. Бэлиэтээн суруйдахха, 2024 сыл Ил Дархан Айсен Николаев быһаарыытынан Оҕо саас сылынан биллэриллибитэ. Бу быһаарыы Саха сирин оҕолоро сайдар саҕахтарыгар туһуламмыта.
Нэдиэлэ бастакы күнүгэр Саха сиригэр синоптиктар тугу билгэлииллэр? Саха сиригэр киин оройуоннарга, хотугулуу-арҕаа, соҕуруулуу-илин, Өлүөнэ…
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…