Муусука үрдүкү оскуолатын үөрэнээччилэрэ Владимир Путиҥҥа бэйэтин мэтириэтин бэлэхтээтилэр

Бүгүн Арассыыйа Бэрэсидьиэнэ Владимир Путин Дьокуускайга сырыытын кэмигэр Муусука үрдүкү оскуолатын көрдө.

Оскуолаҕа Путин үөрэнээччилэри кытта кэпсэттэ. Сэһэргэһии кэмигэр оҕолор Бэрэсидьиэҥҥэ: “Саха сиринээҕи Муусука үрдүкү оскуолатын үөрэнээччилэрин аатыттан Арассыыйа Бэрэсидьиэнэ Владимир Путиҥҥа махтанан туран”, – диэн суруктаах бэйэтин мэтириэтин бэлэхтээбиттэр.

Бэрэсидьиэн бочуоттаах ыалдьыттар кинигэлэригэр: “Саха сирин уонна Арассыыйа оҕолорун туһугар сулууспаҕыт иһин махтанабын. Оскуола сайдыытын салгыыбыт”, – диэн суруктаах, илии баттааһыннаах автограф хаалларбыт. Бу туһунан РИА новости суруйар.