Хаартыска СӨ Култуураҕа министиэристибэтин пресс-кииниттэн
Аан дойдутааҕы музей күнүн көрсө, Саха сиригэр музей нэдиэлэ саҕаланна.
Өрөспүүбүлүкэҕэ маннык нэдиэлэ аан бастаан ыытыллар. Бүгүҥҥүттэн, ыам ыйын 15 күнүттэн саҕаланан, ыам ыйын 21 күнүгэр диэри араас хабааннаах тэрээһиннэр былааннаналлар.
Сыала-соруга — Саха сирин түмэллэрин үлэлэрин-хамнастарын киэҥник сырдатыы, оҕолору уонна ыччаттары музейга ыҥырыы, угуйуу, интэриэстэрин үрдэтии.
Онон бу күннэргэ туорх тэрээһиннэр күүтэллэр эбитий:
— трек «Искусство» — СӨ Национальнай ойуулуур-дьүһүннүүр ускуустубатын түмэлигэр;
— трек «Краеведение» — Ем.Ярославскай аатынан Хотугу норуоттар устуоруйаларын уонна култуураларын холбоһуктаах Саха судаарыстыбаннай түмэлэ; «Доҕордоһуу» Өлүөнэтээҕи устуоруйа-архитектура музей-заповеднига, Өлөөннөөҕү хотугу норуоттар историко-этнографическай түмэлэ;
— трек «История» — «Арассыыйа — мин устуоруйам» музей комплекса;
— трек «Литература» — П.А.Ойуунускай аатынан литература судаарыстыбаннай түмэлэ;
— трек «Музыка» — Саха сирин норуоттарын музыкатын уонна фольклорун түмэлэ уонна Аан дойду норуоттарын хомуһун түмэлэ.
Хас биирдии тэрээһин иитинэн түмэллэргэ быыстапкалар, экскурсиялар, лиэксийэлэр, маастар-кылаастар, квест-оонньуулар, о.д.а. былааннаналлар.
Ыам ыйын 18 күнүгэр — Аан дойдутааҕы музейдар күннэригэр күүтүүлээх, долгутуулаах тэрээһин буолуоҕа. Манна 2022 сылга музейдарга үлэ түмүгүнэн, Ил Дархан Айсен Николаев профессор, меценат Михаил Габышев аатынан бириэмийэни туттарыаҕа. Маны сэргэ, эмиэ ааспыт сыллааҕы үлэ түмүгүнэн, тыа сирин бастыҥ, таһаарыылаах үлэлээх түмэллэригэр уонна тыа сирин түмэллэрин бастыҥ үлэһиттэригэр сэртипикээттэр туттарыллыахтара.
Ыам ыйын 20 күнүгэр ыытыллар Бүтүн Арассыыйатааҕы «Ночь музеев» аахсыйа Педагог уонна уһуйааччы сылыгар ананар. Бу тэрээһиҥҥэ түмэллэргэ дьоруойдар, уһуйааччылар, кэллиэксийэньиэрдэр тустарынан, ону сэргэ, уус-уран айымньылар, наукаҕа арыйыылар, араас түбэлтэлэр тустарынан билиһиннэриэхтэрэ.
Санатан эттэххэ, сыл ахсын ыам ыйын 18 күнүгэр Аан дойдутааҕы музейдар күннэрэ бэлиэтэнэр.
Марфа, Сергей Расторгуевтар ааттарынан Саха циркэтэ үгэс буолбут Саҥа дьыллааҕы «Книга чудес» саҥа испэктээкилин сүрэхтээтэ.…
Дьокуускайга тохсунньу 4–6 күннэригэр өрөспүүбүлүкэ чөмпүйүөнэ Евгений Охотин кэриэһигэр саахымакка өрөспүүбүлүкэтээҕи турниры ыытар былааннанар. Бу…
Билиигэ-сайдыыга угуйбут, кэскиллээҕи, үйэлээҕи түстээбит, дьоҥҥо-сэргэҕэ кэрэни сахпыт Мария Кирилловна Потапова быйыл төрөөбүтэ 100 сыла…
Субуотаҕа киин куоракка Даркылаахха массыына ууга түспүт алдьархайа дьон-сэргэни аймаата. Кыыс оҕо уонна эр киһи…
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…