Хаартыска: видеоттан скрин
«Мужское/Женское» биэриигэ Чульмаҥҥа 12 саастаах кыыска ыттар саба түспүттэрин быһыыланын туһунан кэпсээтилэр уонна ким буруйдаах буоларын быһаарарга дьүүллэстилэр.
Ахсынньы 2 күнүгэр Бастакы ханаалга «Мужское/Женское» биэриигэ тыына быстыбыт Виктория Кашуба эдьиийдэрэ Анастасия Кашуба уонна Наталья Еремеева быһылаан туһунан сиһилии кэпсээтилэр. Кинилэр бөһүөлэккэ бэйдиэ сылдьар ыттар кыһалҕатын быһаарарга көмө көрдөөтүлэр. Ону таһынан 8 тыһыынча кэриҥэ нэһилиэнньэлээх бөһүөлэккэ мэдиссиинэ үлэһитэ тиийбэтин кэпсээтилэр, бөһүөлэк үрдүнэн биир суһал көмө биригээдэ үлэлиирин ыйдылар.
Санаттахха, бу сыл алтынньы 7 күнүгэр Чульман бөһүөлэгэр ыттар 12 саастаах кыыска саба түспүттэрэ. Улаханнык бааһырбыт кыысчааны Нерюнгритааҕы киин балыыһаҕа киллэрбиттэрэ, ол кэннэ ылбыт эчэйиилэриттэн кыысчаан тыына быстыбыта. Бөһүөлэккэ улахан долгуйуу таҕыспыта, баһылыгы быстах кэмҥэ үлэтиттэн тохтоппуттара. Олохтоохтор билиҥҥэ диэри оҕолорун оскуолаҕа ыытыахтарын куттаналлар.
Ыытааччылар Александр Гордон уонна Юлия Барановская Чульман бөһүөлэк дьаһалтата былырыын бэйдиэ сылдьар ыттары стерилизациялааһыҥҥа туһуламмыт үбү-харчыны сөпкө туһамматаҕын быһаардылар. Ону тэҥэ биир да кыыллары көмүскээччи бэрэстэбиитэлэ биэриигэ кэлбэтэҕин эттилэр, быраабы араҥаччылыыр уорганнар олохтоох дьону истэн сөптөөх быһаарыы ылалларыгар эрэнэллэрин биллэрдилэр.
Биэриини RUTUBE бу сигэнэн киирэн көрүҥ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…