Мьянма Арассыыйа туристарыгар визата суох буолла

Минск куоракка ыытыллар Евразия куттала суох буолуутугар Норуоттар икки ардыларынааҕы кэмпириэнсийэ чэрчитинэн Арассыыйа уонна Индокитайга Мьянма тас дьыалалар миниистирдэрэ Сергей Лавров уонна Тан Све виза ирдэбилин  көтүрэр туһунан сөбүлэһиигэ илии баттаатылар. Бу туһунан ТАСС иһитиннэрэр.

Ону таһынан, өрүттэр 2025-2027 сылларга министиэристибэлэр икки ардыларынааҕы консультацияларын былааныгар илии баттаатылар. Оптуорунньукка саҕаламмыт Евразия куттала суох буолуутугар III Минскэйдээҕи норуоттар икки ардыларынааҕы кэмпиринэсийэ 40-тан тахса судаарыстыбаттан уонна 7 норуоттар икки ардыларынааҕы тэрилтэттэн дэлэгээссийэлэри түмтэ. Пуорумҥа Арассыыйа (Сергей Лавров), Венгрия (Петер Сийярто), КНДР (Цой Сон Хи) уонна Мьянма (Тан Све) тас дьыалалар миниистирдэрэ, ити кытта араас дойдулар уонна тэрилтэлэр атын үрдүкү сололоох бэрэстэбиитэллэрэ кыттыыны ылаллар.