Мьянмаҕа 1,7 тыһыынча киһи өлбүт диэн биллэрдилэр

Мьянмаҕа буолбут сир хамсааһыныгар өлбүт дьон ахсаана 1,7 тыһыынчаҕа тиийдэ диэн «Синьхуа» ааҕыныстыбаҕа сигэнэн, «РИА-Новости» иһитиннэрэр. 

«3-4 тыһыынча киһи эчэйдэ, 300 киһи сураҕа суох сүттэ», — диэн иһитиннэриигэ этиллэр. Оттон төһөлөөх киһи дьиэтэ-уота суох хаалбыта, тэрилтэ дьиэлэрэ, былыргы храмнар, уулуссалар урусхалламмыттара  буолуой? Ороскуот олус улахан.

7,7 бааллаах сир хамсааһына кулун тутар 28 күнүгэр Мьянмаҕа Сагайн куораттан 12 килэмиэтирдээх сиргэ буолбут. Ыаллыы сытар Бангладеш, Индия, Таиланд, Лаос, Кытай дойдуларыгар эмиэ биллибит. Элбэх этээстээх дьиэлэр суулланнар, билигин ол урусхалын хомуйуу үлэтэ  салҕанар.

Арассыыйа уонна Кытай быыһааччылар, быраастар биригээдэлэрин ыытан, көмөлөһө сылдьаллар. Кинилэр урусхал анныттан дьону буларга, быыһыырга аналлаах тэриллэри илдьэ барбыттар. Баҕар, ким эрэ тыыннаах сытар буолуон сөп.

Таиланд Бангкок куоратыгар ыксаллаах быһыы-майгы биллэрилиннэ. Манна 18 киһи өлбүт, сүүстэн тахса киһи суоаҕа суох сүппүт. Маннык күүстээх сир хамсааһына Мьянмаҕа 1946 сыллаахха буолбут эбит.