Хаартыска: ааптар түһэриитэ.
Нам Хатырыгар олорор Сэмэн Попов биһиги олохпут укулаатыгар балачча киирэн эрэр дьарыгынан – мүөттүүр ыҥырыаны иитиитинэн дьарыктанар.
2016 сыллаахха биэнсийэҕэ тахсан баран, бу дьарыгы булан ылбыт. Билигин хайыы-үйэ сүүстэн тахса уйалаах, 5х6 иэннээх сип-панелынан кыстыыр бүтэй дьиэлэрин тутан биэрбит.
— Саха сирин кыһына аһара уһун буолан, дэлби эстэн сааскыга тиийэллэр, — диир Сэмэн Иванович. – Онон ыам ыйын быһа кинилэри бүөбэйдээн тахсаҕын. Сайын биир пасекаттан 20 киилэни аа-дьуо ылыахха сөп, дьон хамаҕатык атыылаһар. Бөһүөлэктэн 3 км ыраах туруорабын, от ыйыгар кучу үүннэҕинэ, уонча км ыраах сиргэ илдьэбин. Онно от ыйын иккис аҥаарыгар нэдиэлэ, уон күн устатыгар хаалларыахха сөп. Ол быыһыгар ый хайа күнүттэн, ыҥырыалар туруктарыттан көрөн күн да аайы сылдьыаххын сөп.
Биһиги мүөттээх ыҥырыаларбыт бары уһук илиҥҥилэр, бэс ыйын саҥатыгар, ыам ыйын бүтүүтэ аҕалан уйанан атыылыыллар. Биир пчелопакет алта “маамалаах”, саҥа сайдан эрэр буолар. Сыаната уонтан тахса тыһыынча.
Сэмэн Ивановичтан ыҥырыаны кыһынын хайдах кыстатарын ыйытабын.
-Электрическэй уотунан сылытан кыстатабын. Алтынньы бүтүүтэ дьиэлэригэр киллэрэн, үс пуолканан үрүт үрдүлэригэр олордон кэбиһэбин. Утуйбаттар да, көппөттөр да, олороллор. Кыһын аһыылларыгар диэн сайыны быһа мунньубут мүөттэрин аҥаардаһабыт. Саха сирин кыһына уһуна бэрт буолан, битэмииннээх наһаа үчүгэй аһы аһаан кулун тутар диэки истэрэ хайа барыан сөп. Ол иһин саахардаах сиробунан аһатабын. Саахар минеральнай састааба, битэмиинэ суох көҥдөй ас буоллаҕа, инньэ гынан кинилэргэ чэпчэки аһылык курдук буолар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…