Мындаабаҕа спортивнай комплекс тутуллар
11.11.2022, 11:15
Бөлөххө киир:
Уус Алдан улууһугар Мындаабаҕа»Спорт-олох нуорумата» бырайыак иитинэн, 32 миэстэлээх уопсайдаах дэгиттэр спортивнай комплекс тутуллан бүтэн эрэр. Тутууну быйыл сэтинньи бүтүүтүгэр үлэҕэ киллэрэр былааннаахтар.
Спортивнай комплекс Саха АССР 100 сылыгар тутуллар эбийиэктэр испииһэктэригэр киллэриллибитэ.
Ил Дархан Айсен Николаев бэлиэтээбитин курдук, өрөспүүбүлүкэ сүүс сыла — ааспыт олохпут кэрчик кэмэ эрэ буолбатах, бу сайдыы түһүмэҕэ саҕаланар кэмэ. 2022 сылга улахан куораттарга эрэ буолбакка, өрөспүүбүлүкэ кыра нэһилиэнньэлээх пууннарыгар эмиэ сүүстэн тахса социальнай суолталаах эбийиэктэр тутуллан киирэллэр.
«Билиҥҥи туругунан эбийиэк 99,7% бэлэм. Ис өттүгэр истиэнэтин кырааскалыыллар. Маны сэргэ, Уус Алдан Бороҕонугар сыл бүтүөр диэри, элбэх хайысхалаах доруобуйаны чэбдигирдэр, спортивнай комплекс, 1000 миэстэлээх трибуналаах, сүүрэр ыллыктаах стадион, 450 оҕо үөрэнэр оскуолата киириэхтээхтэр«, — диэн этэр «СӨ судаарыстыбаннай сакаасчыт сулууспатын» генеральнай дириэктэрин э.т. Гаврил Скрыбыкин.
Тутуу уопсай иэнэ 1509 кв. м. Спортивнай комплекс икки дьиэлээх. Манна тустууктар дьарыктанар саалалара, тириэньэрдэр, быраас хосторо, душтаах таҥас уларыттар сирдэр, дьарыктанар саала, административнай, хаһаайыстыбаннай сирдэр, 32 миэстэлээх уопсай бааллар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: