Мүрү нэһилиэгэр дьиэлэр ууга бардылар
![](https://sakha-sire.ru/wp-content/uploads/2023/04/f2f3efb8-6bdc-46a3-b29a-50675c9ed71f-e1682469204195-900x596.jpg)
Муус устар 25 күнүгэр Уус Алданнааҕы дьуһуурунай-диспетчерскэй сулууспаҕа Мүрү нэһилиэгэр дьиэлэр уонна тиэргэннэр ууга бардылар диэн 31 иһитиннэрии киирдэ. Нэһилиэккэ суһал биригээдэлэр үлэлииллэр.
![](https://sakha-sire.ru/wp-content/uploads/2023/04/7dbf5d0d-10a9-412c-9bb6-e18ccf6d348f.jpg)
![](https://sakha-sire.ru/wp-content/uploads/2023/04/92a55631-e0fe-4120-acaa-9c165c349acf.jpg)
![](https://sakha-sire.ru/wp-content/uploads/2023/04/5656fc92-bb6c-49c0-b535-5df72072482b.jpg)
![](https://sakha-sire.ru/wp-content/uploads/2023/04/87dc546a-b037-4c44-89b1-99152071d1d7.jpg)
![](https://sakha-sire.ru/wp-content/uploads/2023/04/82b56639-4cce-4e92-8a3d-b13c3b071846.jpg)
![](https://sakha-sire.ru/wp-content/uploads/2023/04/ecfc803f-4a2b-4eec-9505-ec8bb40622d1.jpg)
Улуус баһылыга Алексей Федотов быһаарыныытынан, Мүрүгэ ууну хачайдыыр суһал биригээдэлэргэ көмөлөһөн, улуус дьаһалтатын үлэһиттэриттэн турар оробуочай бөлөх тэрилиннэ. Билигин ЕДДС үлэһиттэрин уонна улуус дьаһалтатын көмөтүнэн тэриллибит икки биригээдэ олорор дьиэлэр истэриттэн ууну хачайдыыллар. Икки массыына, биэс мотопуомпа үлэлиир.
Бүгүн, муус устар 26 күнүгэр, өссө биир оробуочай бөлөх үлэҕэ кыттыһыаҕа.
Улуустааҕы ЕДДС суукканы быһа балаһыанньаны кэтиир, олохтоохтортон иһитиннэриилэри тутар диэн Уус Алдан улууһун дьаһалтатын пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: