Хаартыска: Уус Алдан улууһун дьаһалтатын пресс-сулууспата.
Ааспыт сууккаҕа Уус Алдан улууһугар “Мүрү” өрөспүүбүлүкэтээҕи суолу уу тоҕо көппүтэ чөлүгэр түһэриллибитэ, манна 4 ууну аһардар турбалар угуллубуттара. Ол туһунан ыам ыйын 20 күнүгэр “СӨ массыына суолларын управлениетын” генеральнай дириэктэрэ Семен Филиппов иһитиннэрбитэ. Ол эрээри, улахан уйуктаах массыыналар тоҕо кэһэннэр, Сыырдаах аттынан эргийэ барар суолунан сырыы эмиэ тохтотулунна.
Дьиҥэ, эргийэ барар суолу түргэнник оҥорон баран, 3 туоннаттан кыра уйуктаах массыыналар сырыыларын көҥүллээбиттэрэ. Ол эрээри ыарахан ыйааһыннаах таһаҕас массыыналара манан эмиэ сылдьыбыттара. Онон уу тоҕо көппүт сиринэн дьаамалар үөскээтилэр.
Билигин эргийэ барар суолу чөлүгэр түһэрэр үлэлэр салҕаналлар. Ону тэҥэ, сүрүн суолга өрөмүөн үлэтэ күнүстэри-түүннэри ыытылла турар. Уус Алдан улууһун дьаһалтата бу кэмҥэ сүрүн суол оҥоһуллуор диэри эргийэ барар суолунан улахан уйуктаах массыыналар сылдьыбаттарыгар ыҥырар.
Оттон Горнай уонна Кэбээйи улуустарын кыраныыссаларыгар “Кэбээйи” эрэгийиэннээҕи суолу 3 сиринэн уу тоҕо көппүтэ. Ыам ыйын 19 күнүгэр Горнай улууһун сиринэн сырыы сөргүтүлүннэ диэн Семен Филиппов иһитиннэрэр. Манна 6 тиэхиньикэ, ол иһигэр 3 самосвал, 1 экскаватор үлэлээтилэр.
Уус Маайа оройуонугар “Амма” суол 345-с килэмиэтиригэр суол алдьаммыта. Манна билиҥҥитэ сырыы тохтоон турар, бэдэрээттэһэр тэрилтэ үлэтин саҕалаата. Ону тэҥэ, “Бөтүҥ” суол 75-с килэмиэтиригэр бэдэрээттэһэр тэрилтэ үлэлии сылдьар.
Томпо оройуонугар “Яна” суолга үс сиринэн уу үрдүнэн таһымнаата. Суол алдьаммата, күнүстэри-түүннэри кэтээн көрөллөр. Томтортон Эһэ Хайаҕа диэри сырыы тохтоон турар.
Нам улууһугар 4 муниципальнай суол, 1 муоста, Кэбээйи улууһугар Сииттэ, Чагда бөһүөлэктэрин иһинээҕи суоллар алдьаннылар. Маны тэҥэ, Мэҥэ Хаҥалас улууһугар 4 суол, Уус Алдан улууһугар 1 суол, Ньурбаҕа 1 суол ууттан эмсэҕэлээтилэр.
Муниципальнай суоллары чөлгө түһэриигэ СӨ Суолга пуондатыттан 50 мөлүйүөн солуобай көрүллүбүтэ.
Ил Дархан, бырабыыталыстыба дьаһалтатын пресс-сулууспата.
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…