«Мүрү үҥкүүлүүр» күөн күрэс үрдүк таһымнаахтык ыытылынна

Уус Алдан улууһугар Бороҕоҥҥо «Мүрү үҥкүүлүүр»диэн өрөспүүбүлүкэтээҕи үҥкүү күөн күрэһэ буолла.

Өрөспүүбүлүкэбитигэр үҥкүү искусствотын сайыннарар, талааннаах кэлэктииптэр, салайааччылар икки ардыларыгар үөрүйэҕи атастаhар, үлэлэрин киэҥник тарҕатар сыаллаах, өрөспүүбүлүкэ таһымнаах «Мүрү үҥкүүлүүр» үҥкүү күрэхтэһиитэ үһүс төгүлүн үрдүк таһымнаахтык, олус сэргэхтик ыытылынна.

Күөн күрэскэ Кэбээйиттэн, Горнайтан, Намтан, Мэҥэ Хаҥаластан Чурапчыттан, Тааттаттан, Уус Алдантан, Дьокуускайтан, Табаҕаттан, уопсайа 51 үҥкүү кэлэктиибэ, 603 кыттааччы кэлэн күрэстэстилэр.

Өрөспүүбүлүкэбит биллэр-көстөр дьоно, ааттаах-суоллаах хореографтара дьүүллүүр сүбэҕэ олорон сыаналаатылар.

Ол курдук, Станислав Степанов, Аграфена Макарова аатынан култуура уонна ускуустуба кэллиэһин үҥкүү салаатын салайааччыта, преподавателэ, СӨ култууратын үтүөлээх үлэһитэ, үһүс төгүлүн ыытыллар «Мүрү үҥкүүлүүр» күрэс дьүүллүүр сүбэтин бэрэссэдээтэлэ, Мария Сивцева, СӨ култууратын үтүөлээх үлэһитэ, Найахы нэһилиэгин, Уус Алдан улууһун бочуоттаах олохтооҕо, «Гражданскай килбиэн» бэлиэ хаһаайына, култуура үлэтин бэтэрээнэ. Анастасия Сидорова, култуура уонна искусство Арктикатааҕы судаарыстыбаннай институт доцена, СӨ култууратын уонна профессиональнай үөрэхтээьинин туйгуна, Аан дойдутааҕы хореографтар сойуустарын чилиэнэ. Валентина Сивцева, Уус Алдан улууһун хореографтарын түмсүүтүн бастакы бэрэссэдээтэлэ, СӨ култууратын туйгуна, Уус Алдан култууратын бэтэрээнэ. Василий Старостин — Меҥун, «Айулна» этно — фольклорнай ансаамбыл салайааччыта, СӨ үҥкүү успуордун федерациятын бальнай-спортивнай үҥкүүгэ тириэньэрэ.

Бу олус үчүгэй, болҕомтону тардар сэргэх тэрээһин. Дьон-сэргэ да кэрэхсиир, сэргиир. Үҥкүүнү көрөн дуоһуйа сынньаналларын этэллэр. Бу да сырыыга хас биирдии нүөмэр кэнниттэн ытыс тыаһа уҕараабата. Бииртэн-биир чаҕылхай, бэртээхэй нүөмэрдэр, имигэс хамсаныылар, тэҥҥэ туттан-хаптан сүрэҕи өрүкүтэр, долгутар, сылаанньытар кэрэ-нарын үҥкүүлэр болҕомтону тардыахтарын тартылар.

Түмүккэ оҕолорго кыайыылаахтар быһаарылыннылар:
Гран — при үрдүк аатын Уус Алдан улууһуттан «Энергия» ансаамбыл ылла (сал. Туйаара Ларионова).

7-10 саастаахтарга:
I степеннээх лауреат — «Көлүкэчээн», Уус Алдан, сал. Алена Гаврильева.
II степеннээх  лауреат — «Оhуор»,  Уус Алдан, сал. Ульяна Ноговицына.
III степеннээх лауреат — «Алаас оҕолоро»,  Уус Алдан, сал. Анатолий Ермолаев.
I степеннээх дипломанынан буолла — «Мечта»,  Уус Алдан, сал. Аида Назарова.
II степэннээх — «Кундээр», Уус Алдан, сал. Елена Иванова.
III степэннээх  — «Алаас уолаттара», Уус Алдан, сал Мария Горохова.

11-13 саастаахтарга:
I степеннээх лауреат, «Сандал», Дьокуускай, сал. Сардаана Катакова.
II степеннээх — «Энергия», сал. Туйаара Ларионова.
III ст — «Кэнчээри»,  Уус Алдан, сал. Ульяна Ноговицына.
I степеннээх дипломанынан буолла — «Кундээр», Уус Алдан, сал. Елена Иванова.
II степэннээх  — «Дьиэрэҥкэй», Чурапчы, сал. Аси-Куо Ашеина.
III степеннээх  — «Уйдара», Мэҥэ Хаҥалас, сал. Татьяна Андросова.

13-14 саастаахтарга:
I степеннээх лауреатынан буолла — Мэҥэ Хаҥалас «Кыталык»,  сал. Александра Соловьева.
II ст. — «Рябинушка», Дьокуускай, Табаҕа, сал. Наталья Лебедкина.
III ст. — — «Сандал», Дьокуускай, сал. Сардаана Катакова.
I степеннээх дипломанынан буолла — «Энергия»,  Уус Алдан, сал. Туйаара Ларионова.
II ст. — «Кэнчээри», Уус Алдан, сал. Ульяна Ноговицына.
III ст. — «Уоланнар» Уус Алдан, сал, Платон Стрекаловский.

Улахан дьоҥҥо:
Гран-при үрдүк аатын «Саhарҕа», Чурапчы, сал. Вера Попова, Алексей Аржаков.

18 — 35 саастаахтарга:
I степеннээх лауреатынан буолла «Ньургуhун» анс., Нам, сал. Мария Попова, Павел Винокуров
II ст. — «Тойон Мүрү»,  Уус Алдан, сал. Ольга Попова.
III ст. — «Күндүйэ»,  Уус Алдан, сал. Марияна Фомина.

36-50 саастаахтарга:
I степеннээх лауреат үрдүк аатын ылла — «Күнчээнэ»,  Уус Алдан, сал. Анастасия Кириллова.
II ст. — «Рассвет», Дьокуускай, сал. Айталина Григорьева.
III ст. — «Дьүөгэ», Уус Алдан, сал. Ольга Петрова.
I степеннээх дипломант аатын ылла — «Чэлгийээнэ» анс., Уус Алдан, сал. Алёна Гаврильева.
II ст. — «Сэгэлдьийэ», Горнай, сал. Любовь Кычкина.
III ст. — «Кэнчээри»,  Уус Алдан, сал. Капитолина Сыроватская.

51-тэн үөhэ саастаахтарга:
I степеннээх лауреатынан буолла «Кыталыына», Нам, сал. Павел Винокуров.
II  — «Сардаҥа», сал. А -Куо Ашеина,
III — «Күндүүнэ», Уус Алдан, сал. Ольга Петрова
I степэннээх дипломанынан буолла — «Дьол көлүччэтэ», сал. Платон Стрекаловский.
II ст. — «Луҥха долгуннара», Кэбээйи, сал. Сардаана Полятинская.
III ст. «Чэлгийэ», Мэҥэ Хаҥалас, сал. Екатерина Олесова.
III ст. — «Чэмэлиинэ»,  Нам, Лариса Баишева.

Курэспитин ыытарга көмөлөспүт «Тойон Мүрү» култуура дыбарыаhыгар (сал. Алина Борисова), Бороҕоннооҕу оҕо ускуустубатын  оскуолатыгар (сал. Борис Заровняев, кэлэктиипкэ), Уус Алдан улууhун култууратын начаалынньыгар Сергей Нафанаиловка хореографтар ассоциацияларын аатыттан барҕа махталбытын тиэрдэбит. Куруутун да бу курдук өйөбүл-тирэх буола тураргытыгар баҕарабыт.

Ульяна Ноговицына,

Уус Алдан улууһун хореографтарын ассоциациятын бэрэссэдээтэлэ

Хаартыскалар ааптар тиксэриилэрэ