Хаартыска: Уус Алдан улууһун телеграм-ханаалыттан.
Үөрэх үлэһиттэрин тохсунньутааҕы мунньаҕын чэрчитинэн Уус Алдан улууһун В.В. Алексеев аатынан Мүрүтээҕи “Уолан” гимназия уонна М.К. Аммосов аатынан Хотугулуу-Илиҥҥи федеральнай университет математикаҕа, информатикаҕа, итиэннэ физика-тиэхиньиичэскэй институттарын кытта бииргэ үлэлээһиигэ сөбүлэҥ түһэристилэр.
Ол курдук, гимназия салалтата математика уонна информатика институтун дириэктэрэ, физика-математика билимин кандидата, доцент Нюргуяна Пинигинаны кытта көрсөн, бу сылга ыытыллыахтаах үлэ былаанын торумнастылар, ону тэҥэ, идэҕэ эрдэттэн туһаайар үлэлэри былааннаатылар.
Салгыы физика-тиэхиньиичэскэй институт бэрэстэбиитэллэрин кытта көрсүһүүгэ институт дириэктэрэ, физика-математика билимин кандидата Данил Николаев, “Теоретическай физика” кафедра лабаратыарыйатын сэбиэдиссэйэ Виктория Лонгинова кыттыыны ыллылар. Кинилэри сэргэ үөрэппит уоллара, институт 4 кууруһун устудьуона, ППОС бэрэссэдээтэлэ, көхтөөх ыччат, Мүрүтээҕи “Уолан” гимназияны бүтэрбит Арылхан Сыроватскай кыттан учууталларын үөртэ.
Гимназия салалтата уонна үрдүк үөрэх кыһатын бэрэстэбиитэллэрэ бииргэ үлэлэһиигэ икки өттүттэн баҕалаахтарын биллэрдилэр. Хардарыта бииргэ үлэлээһин саҥа саҕахтары арыйан, үөрэх хаачыстыбатын үрдэтиигэ, үрдүк таһымнаах каадырдары бэлэмнээһиҥҥэ итиэннэ научнай-тиэхиньиичэскэй үөрэхтээһиҥҥэ сайдыыны ситиһиигэ көдьүүстээх буолуоҕа диэн Мүрүтээҕи уолаттар гимназияларын инновационнай үлэҕэ салайааччыта Айыы Куо Троева иһитиннэрдэ. Бу туһунан Уус Алдан улууһун дьаһалтатын пресс-сулууспата сырдатар.
Билигин туһана сылдьар халандаарбыт григорианскай диэн ааттанар. 1582 сыллаахха папа Григорий XIII киллэрбит. Ол эрээри,…
СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ Булуҥ улууһун Тиксии бөһүөлэгэр ньиэп бородууктата тохтубут…
2026 сылга Аҕа дойдуну көмүскээччилэр күннэрэ бэнидиэнньиккэ түбэһэр. Ол аата, Арассыыйа олохтоохторун үс өрөбүл күн…
Олунньуттан Социальнай пуонда бэтэрээннэргэ, инбэлииттэргэ, о.д.а. чэпчэтиилээх категориялаах дьоҥҥо биэнсийэлэрин үрдэтиэҕэ. Барыта 40-тан тахса босуобуйалар,…
Бүгүн Саха Өрөспүүбүлүкэтин Бырабыыталыстыбатын Бэрэссэдээтэлэ Кирилл Бычков Саха Өрөспүүбүлүкэтин ИДьМ кэллиэгийэтин мунньаҕар кытынна. Мунньахха ааспыт…
Бүгүн, тохсунньу 28 күнүгэр, Орел куоракка оҕунан ытыыга Арассыыйа Куубага саҕаланар. Бу -- сыл сүрүн…