Хаартыскаҕа Артур Егоров түһэриитэ
Дойдубутугар ыччаттарга, оскуола үөрэнээччилэригэр патриотизм диэн тыл суолтата улаатан турар.
Онтон бу тылы иҥэриигэ бастатан туран, киһи биһигин ыйаабыт түөлбэтэ сайдыы араас хайысхалардаах кэмнэригэр олорон, үлэлээн ааспыт түгэннэри үөрэтиэхтээх уонна иҥэриниэхтээх. Маныаха сүрүн оруолу олохтоох түмэллэр ылаллар. Ханнык хайысхаҕа туһаайан үлэлииллэриттэн, билиҥҥи тэтимнээхтик сайдар олохпут оҥкулларыгар саҥа сүүрээннэри киллэрэллэриттэнбу эмиэ улахан тутулуктаах.
Горнай улууһугар Мытаах нэһилиэгэр, Дьиикимдэ бөһүөлэгэр саха норуотун ытык дьонугар, ини-бии Семен, Софрон Даниловтар түмэллэрин уонна ССРС норуодунай худуоһунньуга А.Н.Осипов хартыына галереятын түмэлэ үлэтинэн Саха сиригэр бастыҥынан биллэр. 2018 сыллаахха РФ Бэрэсидьиэнэ В.В.Путин “Култуура” национальнай бырайыагын туһунан ыйааҕа тахсыбыта, маныаха олохтоох түмэл бу бырайыакка быйыл кыттыыны ылан кыайыылаах буолбута уонна түмэлгэ саҥалыы тэхиньиичэскэй тэрилинэн хааччыллыга туһаайан 2,5 мөлүйүөн харчынан наҕараадаламмыта.
Буолан ааспыт аҕам саастаахтар күннэригэр сөп түбэһиннэрэн, түмэлгэ сылдьан национальнай бырайыагынан ылыллыбыт аныгы үйэ тэриллэрин сөҕө көрдүм. Ол курдук араас көрүҥнэрдээх кунуопкалары баттаатахха, наадыйар боппуруостарыҥ эппиэттэрэ тутатына көстөллөр. Манна бааллар информационнай киоскалар, остуоллар, интерактивнай панеллар, зеркальнай фотоаппарат, ноутбук, кыра музыкальнай аппараат, галереяҕа салгын туругун хонтуруоллуур тэриллэр, араас витриналар, интерактивнай гид. Сэргээтим, сэргэхсийдим.
Манна даҕаттахха, “Култуура” национальнай бырайыагынан түмэллэргэ сылдьар дьон ахсаанын 15% үрдэтэргэ сорук туруоруллубута. Онон саҥалыы тэрилинэн хаачыллыбыт нэһилиэк түмэлэ саҥа сүүрээннэри тобулан, толкуйдаан үлэлиир соруктаах.
Николай Осипов, РФ суруналыыстарын сойууһун чилиэнэ.
Хаартыскаларга Артур Егоров түһэриитэ.
Сайын чугаһаан, айан-сынньалаҥ кэмэ чугаһаан иһэр. Арассыыйа “Мир” каартатынан төлөһүү санкцияны аахсыбакка элбээн иһэрэ үөрдэр.…
Саха сиригэр саха суругунан литературата төрүттэммитэ 125 сылынан үгүс үбүлүөйдээх тэрээһиннэр буолуохтара. Үөрэнээччилэргэ өрөспүүбүлүкэтээҕи куонкурус…
Томпо улууһун Кириэс Халдьаайы Үөгэн диэн учаастагар олох күөстүү оргуйар. Кыра дэриэбинэ Далбар хотуттара байыаннай…
Быйыл кулун тутар 22 күнүттэн Арассыыйа Кыһыл кинигэтигэр киирбит хараакыны үөрэтиигэ, кэтээн көрүүгэ кыһыҥҥы эспэдииссийэ…
Томпо оройуонугар икки киһини былаас бэрэстэбиитэллэригэр күүһүнэн өттөйүүгэ буруйдааҕынан аахтылар. Силиэстийэ быһаарбытынан, 2023 сыл сайыныгар…
Бу күннэргэ сэрии сылларыгар тахсыбыт “Кыым” хаһыат нүөмэрдэрин аахтым. Былыргы хаһыаттары ааҕыы бэрт элбэх санааны…