Мытаахха 12 кыбартыыралаах дьиэ тутуллар

Горнай улууһугар хаарбах дьиэлэртэн  көһөрүү үлэтэ тэтимнээхтик барар.

Улуус киинигэр эрэ буолбакка, нэһилиэктэргэ эмиэ үлэ ыытыллар. Ол курдук, 600-тэн тахса нэһилиэнньэлээх Мытаах нэһилиэгэр 12 кыбартыыралаах саҥа таас дьиэ тутулла турар. Дэриэбинэҕэ бастакы таас, толору хааччыллыылаах дьиэ тутуутугар 16 дьон үлэлиир.

Бу тутуу  муниципальнай дьиэ буолар, онон манна  эдэр исписэлиистэр олороллоро  былааннанар диэн Горнай улууһун дьаһалтатын пресс-сулууспата иһитиннэрдэ.