Хаартыскаҕа Артур Егоров түһэриитэ
Горнай улууһугар Мытаах музей-галереята «Өбүгэ үгэһин сөргүтэн» диэн тэрээһини бастакытын 2021 сыллаахха тэрийбитэ.
Дьон-сэргэ улаханнык биһирээбитэ. Онно түөрт биэни ыабыттара. Бу сэҥээриини ылбыт тэрээһин пандемия кэмигэр тохтообута.
Быйыл Арассыыйаҕа Дьиэ кэргэн, Саха сиригэр Оҕо саас сылларыгар анаан иккис төгүлүн тэрилиннэ уонна алта биэни ыырга сорук туруорулунна. Бэҕэһээ, от ыйын 7 күнүгэр, бастакы күммүт бэрт үөрүүлээх саҕаланна. От ыйын 14 күнүгэр диэри буолар тэрээһиҥҥэ Дьокуускайтан, Бэрдьигэстээхтэн, Мытаахтан элбэх киһи оҕолорун, сиэннэрин кытта кэллилэр. Бу кэнчээри ыччакка өбүгэ үгэһин билиһиннэрэр, үөрэтэр сыаллаах-соруктаах тэрээһин буолан, дьиэ кэргэнинэн сэргээн, сэҥээрэн кэлэн кытталлара кэрэхсэбиллээх. Кымысчыт Серафим Григорьев кымыһын, биэтин үүтүн тото-хана, астына истилэр. Кымыс, үүт атыыластылар, ыабыт үүттэрин илдьэ бардылар.
Мытаахха туризм күүскэ сайдар, онно бу тэрээһиммит эмиэ сыһыаннаах. Нэһилиэкпитигэр кэлбит ыалдьыттар народнай суруйааччылар Семен, Софрон Даниловтар литературнай музейдарын уонна академик Афанасий Осипов хартыыналарын галереятын көрөллөр. Олорбут үөрэммит, ураты тыыннаах Бор алааһыгар сылдьаллар.
Артур Егоров, «Мытаах музей-галереята» МБТ дириэктэрэ
Хаартыскаларга Артур Егоров түһэриитэ.
Бэҕэһээ, Оҕо көмүскэлин күнүгэр Москваҕа дойду саамай чаҕылхай, талааннаах оҕолоро муһуннулар. Манна “Дороги, которые мы…
Ленскэй оройуонун суута олохтоох эр киһини РФ холуобунай кодексатын 111 ыст. 1 ч. буруйдаата. Ол…
Халыма, Алдан өрүстэргэ уу таһыма үрдээтэ. Ол курдук, Аллараа Халыма Походскайыгар, Алдан Чагдатыгар, Уус Маайа Уус…
Туймаада ыһыаҕар БПЛА-ны көтүтэри боптулар. Бобууну кэстэххэ административнай уонна холуобунай эппиэтинэскэ тардыллыахха сөп. Дьокуускай куорат…
Бүгүн, бэс ыйын 2 күнүгэр, Ил Дархан Айсен Николаев Аллараа Халыма улууһугар үлэлиир. Кини Черскэй…
Бэс ыйын 8 күнүгэр Соҕуруу Африкаҕа Comrades Marathon диэн ультрамарафон 98-с төгүлүн ыытыллыаҕа. Манна Арассыыйаттан сыллата…