Мытаахтар тайах муоһуттан харыйаны туруорбатахтар

Бу күннэргэ социальнай ситимнэринэн: “Горнай улууһун Мытаах нэһилиэгэр тайах муоһуттан харыйаны оҥордулар. Аан дойдуга ханна да маннык харыйа суох”, — диэн суруктаах хаартыска тарҕанна.

Саха сирэ.ру саайт суруналыыстара Мытаах нэһилиэгин баһылыга Иван Петрову кытта төлөпүөнүнэн сибээстэһэ сырыттыбыт: “Ити букатын сымыйа сурах. Сыл аайы тарҕанар”, — диэн иһитиннэрдэ.

Сыл ахсын хайа иллэҥ киһи “түбүгүрэрэ” эбитэ буолла. Онон өрүү буоларыныы, бу да сырыыга бассаап барахсан устун, ахсынньы тымныытыгар “куһу көтүттүлэр”. Кэлэн иһэр Саҥа сылынан! Официальнай эрэ иһитиннэриилэргэ итэҕэйиҥ, тирэҕириҥ.