«МЫВМЕСТЕ» эрэгийиэннээҕи ыстаап салайааччыта Айыллаан Винокуров доброволецтар быстах хомуурга ыҥырыллыбыт дьоҥҥо уонна дьиэ кэргэннэригэр хайдах-туох көмөлөһөн эрэллэрин туһунан иһитиннэрдэ.
«МЫВМЕСТЕ ыстаап волонтердара быстах хомуурга ыҥырыллыбыттарга уонна дьиэ кэргэннэригэр биирдиилээн дьон көмөлөһөллөрүн туһунан сайаапкалыылларын хомуйа сылдьаллар. 122 диэн быһа нүөмэргэ өрөспүүбүлүкэ бары улуустарыттан эрийэн ыйыталаһаллар уонна араас хабааннаах көмөнү оҥороллорун туһунан иһитиннэрэллэр. Холобур, Мэҥэ Хаҥалас улууһуттан быстах хомуурга барбыт киһи дьиэ кэргэнигэр сүөһүнү атын сиргэ илдьэргэ көмөнү оҥорууга сайаапка киирбитэ. Үксүн бородууктаны, эми-тому атыылаһыыга, оҕолору илдьиигэ тырааныспарынан көмөлөһөргө, уо.да.а. сайаапкалар киирэллэр. МЫВМЕСТЕ аахсыйа анал ыстааба бары улуустарга тэрилиннэ. Бу тэрээһиҥҥэ 200 кэриҥэ доброволец кыттарга бэлэбин иһитиннэрдэ. Көмөҕө наадыйааччылар волонтердары кытта быһаччы кэпсэтэр инниттэн 122 нүөмэргэ эрийэн баран, 6 диэн кунуопканы баттыахтарын наада», — диэн Айыллаан Винокуров кэпсээтэ.
Быстах хомуурга барбыттарга көмөнү Дьокуускай куорат Орджоникидзе уулусса 10-гар (Тыа хаһаайыстыбатын министиэристибэтин өттүнэн) сарсыарда 10 чаастан 18-ка диэри аҕалан туттарыаххытын сөп.
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…
Ааспыт суукка иһигэр Дьокуускай куоракка биэс суол быһылаана таҕыста. Бу туһунан ГАИ пресс-сулууспата иһитиннэрэр. Туманнаах,…
РФ Бэрэсидьиэнин наҕараадалааһын туһунан дьаһала Үлэҕэ ситиһиилэрин уонна уһун сыллаах үлэлэрин иһин РФ Бэрэсидьиэнин Махтала…
Былырыын 2024 сыллаахха рекорду олохтообут 752 тыһ. кв.м. олорор дьиэ тутуллубута, онон Ил Дархан былырыын…
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…