Н.Н. Кычкин кэриэһигэр «Сүүс харахтаах» дуобакка Бүтүн Арассыыйатааҕы күрэхтэһии түмүктэннэ

Красноярскайтан, Иркутскайтан, Владивостоктан, Башкортостантан уонна Саха сириттэн 170 кыттааччы: оҕолор, улахан дьон, о.и. 9 гроссмейстердар, 18 успурт маастардара, 52 маастарга хандьыдааттар, 1-3 разрядтаахтар «Классическай бырагыраамаҕа» уонна «Түргэн оонньууга» утарыта олорон оонньоотулар.

Күрэхтэһии сүрүн судьуйатынан успуорт маастара, Бүтүн Арассыыйатааҕы категориялаах судьуйа Вячеслав Варламов, сүрүн сэкэрэтээриэн Ая Кычкина үлэлээтилэр. Сахабыт сирин гроссмейстердара, күүстээх маастардара, дуобакка дьоҕурдаах оҕолор кылаастара үрдүгүн көрдөрдүлэр. Эр дьон уонна дьахталлар утарыта олорон, уолаттар, кыргыттар эмиэ бииргэ оонньоотулар. Түмүгү таһаарыыга кыайыылаахтар бөлөхтөрүнэн араарылыннылар. «Классическай бырагыраамаҕа» тоҕус туур оонньонно. Сүрүн судьуйа этэринэн, «үчүгэй фиништээхтэр» кыайдылар.

Хаҥаластан төрүттээх-уустаах Норуоттар икки ардыларынааҕы Арктическай оскуола IX кылааһын үөрэнээччитэ, 13 саастааҕар улахан дьоҥҥо өрөспүүбүлүкэҕэ бастаабыт, оҕолорго аан дойду, Европа, Арассыыйа чөмпүйүөнэ, успуорт маастара Айсен Егоров, гроссмейстердары кэннигэр хааллартаан, чахчы кыахтааҕын, дьоҕурдааҕын көрдөрөн, чөмпүйүөн үрдүк аатын сүктэ.

Эр дьоҥҥо Чаҕыл Заровняев (Горнай) иккис, Василий Кычкин (Дьокуускай) үһүс, Прокопий Говоров төрдүс, Игорь Павлов (Красноярскай) бэһис, Гаврил Колесов алтыс  миэстэлэннилэр. Аан дойду чөмпүйүөҥкэтэ, өрөспүүбүлүкэтээҕи дуобакка-саахымакка киинин дириэктэрэ, гроссмейстер Матрена Ноговицына кыайыыны ситистэ.

Университет 1-кы кууруһун устудьуонката Тунаара Федорова — иккис,  өрөспүүбүлүкэтээҕи успуорт оскуолатын IX кылааһыгар үөрэнэр Юля Никанорова — үһүс, Сандаара Апросимова — төрдүс,  Айгуль Идрисова (Бащкортостан) -бэһис, Ксения Нахова — алтыс буоллулар. Ксения Нахова маастар нуорматын толордо.

«100 харахтаах» дуобакка уолаттарга уонна кыргыттарга 11 диэри саастаахтарга Данил Захаров, Арсен Местников, Артем Илюхин, Кира Васильева, Анастасия Иванова, Алина Кузьмина. 14 саастаахтарга Байдам Николаев, Арсен Кузьмин, Николай Попов, Нарыйаана Леонтьева, Надежда Заровняева, Ньургустаана Попова. Бэтэрээн эр дьоҥҥо Валерий Хорин, Василий Куприянов, Иван Щукин. Бэтэрээн-дьахталларга Анастасия Собакина, Акулина Беляева, Мария Третьякова. «Бастыҥ көрдөрүү» анал бириистэринэн 18 саастарыгар диэри оҕолорго Даяна Алексеева, Сандал Стручков наҕараадаланнылар.

«Түргэн оонньууга» 11 саастаахтарга Петр Егоров, Арсен Местников, Виктор Седалищев, Настя Иванова, Кира Васильева, Алина Кузьмина; 14 саастаахтарга  Нарыйаана Леонтьева, Нарыйаана Ощепкова, Ньургустаана Попова, Арсен Кузьмин, Байдам Николаев, Уран Белоусов; бэтэрээн-дьахталларга Анастасия Собакина, Мария Бырдыннырова, Акулина Беляева, бэтэрээн-эр дьоҥҥо Иннокентий Ефимов, Иван Лазарев, Игорь Макаров өйдөбүнньүк мэтээллэри, дипломнары туттулар.

Атын эрэгийиэннэртэн кэлбит ыалдьыт-дуобаччыттар: гроссмейстер Айгуль Идрисова (Башкортостан), гроссмейстер Дмитрий Никифоров (Иркутскай), успуорт маастара Игорь Павлов (Красноярскай) анал бириистэринэн биһирэннилэр.

Баһылай Посельскай, sportyakutia.ru.