«На рогах» бартан дьахтартан малын, маҕаһыынтан атыыга турар таҥаһы уордулар

Ааспыт сууккаҕа  өрөспүүбүлүкэҕэ  полиция үлэһиттэрэ биэс уорууну арыйдылар. 

Ол курду,к 42 саастаах киин куорат олохтооҕо «На рогах» барга  сылдьан  дьахтартан  уопсайа  23 000 солк. суумалаах  малын  уорбута билиннэ.

Эмиэ куорат олохтооҕуттан  65 000 солк.  электроинструменнары уорууга уорбаланар 35 саастаах эр киһи тутулунна.

Бүлүү улууһуттан төрүттээх  33 саастаах ханна да үлэлээбэт эр киһи  гаджеты уоран баран куоппутун буллулар.

Башкирияттан сылдьар 45 саастаах киһи атыы-эргиэн кииниттэн атыыга турар таҥаһы уорбута билиннэ

Үөһээ Бүлүү улууһугар мобильнай сыһыарыынан харчыны уорбут 41 саастаах олохтоох киһи тутулунна диэн ИДьМ пресс-сулууспата иһитиннэрдэ.